بەڕێز/ سەرنووسەری ڕۆژنامەی کوردستانی نوێ
بابەت/ پیرۆز بایی
سڵاوێکی گەرم...
لە (28)ە هەمین ساڵیادی کوردستانی نوێی ئازیزدا، بەناوی مەکتەبی ڕێکخراوە دیموکراتیەکان و سەرجەم ڕێکخراوەکانی سەربەمەکتەبەکەمانەوە، چەپکە گوڵی پیرۆزبایی خۆمانتان پێشکەشدەکەین، دەستخۆشی و ماندونەبوونی و سڵاو پێزانینمان، ئاراستەی سەرجەم ئەوبەڕێزانەدەکەین، کە ڕۆژانێک لەم کاروانەدا خزمەتیان کردوە و ئەوانەشیی ئەمێستا ماندوو نەناسانە لەخەباتدان، لە پێناوی ئەوەی بەباشترین شێوە ڕۆژنامەکە بخەنەبەردیدی خوێنەران.
کوردستانی نوێ وەک یەکەم ڕۆژنامەی ڕۆژانەی پاش ڕاپەڕین، دیارییەکی قەشەنگ و بەنرخی #یەکێتیی نیشتمانیی کوردستان# بوو کە پێشکەش بە کوردستانەکەمان کرا، لەو چرکەساتەوە تائێستا کانگای خزمەت و پێگەیاندنی دەیان و سەدان نوسەر و ڕۆژنامەنوس و داهێنەر و بەهرەمەند بووە، سەرباری ئەوەش کە ڕۆژنامەیەکی حزبی دەربەست و بەرپرس بووە، بەڵام هەردەم پانتاییەکی فراوانی ڕەخساندووە بۆ نوسەران و قەڵەمە ئازاد و غەیرە حزبییەکانیش، سەرۆک #مام جەلال# لەم مییانەدا دەفەرموێت (ئەگەر ڕەخنە لەیەکێتیی گیرا، پێمخۆشە لە کوردستانی نوێدا بڵاو ببێتەوە).
لەم یادە پیرۆزەدا هیوای سەرکەوتن و بەردەوامیتان بۆدەخوازین، ئومێدەوارین ئەم سەرچاوە سازگارە لەئەفراندن و پێشکەشکردنی پەلکە زێڕینەی خزمەتەکانی بەردەوامبێت.
لەگەڵ ڕێزدا...
مەکتەبی ڕێکخراوە دیموکراتییەکانی
ی.ن.ک
#11-01-2019#
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 3,638 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!