بەختیار عەلی
چەمکی نیشتیمان، چەمکێکی یەک جارەکی و دراوێکی ئەبەدیی نییە کە جارێک بەخشرابێت و لەوێ بێت و نەگۆڕێت. نیشتیمان شوێن نییە، نیشتیمان هەستێکی ئاڵۆزە کە پابەندی شوێنی نیشتەجێیەکی ئەبەدییە، نیشتەجێیەکی ڕەسەن کە لە ناویدا وەک هایدگەر دەڵێت ماڵی بوون دەدۆزینەوە. لێرەدا مەبەستم نییە بچمە ئەو وێنە هایدگەرییەوە کە زمان وەک نیشتیمان یان وەک ماڵی بوون تەماشادەکات، چەمکی نیشتیمان لەم باسەدا کۆنکرێتترە، بەڵام لە هەموو حاڵەکاندا ناتوانم زۆر خۆم لەو چەمکە گادامێرییە لابدەم کە هەڵقوڵاوی ڕوانینە هایدگەرییەکەیە، نیشتیمان شتێکە کە بەردەوام دروستدەکرێتەوە، هەموو هەوڵێکی گەڕانەوە بۆ نیشتیمان هەوڵێکی ماڵاوایشە، چونکە نیشتیمان کە وندەبێت جارێکی دی وەک خۆی نادۆزرێتەوە. لێرەوە هیچ کات ئێمە مامەڵە لەگەڵ نیشتیمانێکدا ناکەین کە لەوێدا بە نەگۆڕی دروستبووە و دانراوە، بەڵکو مامەڵە لەگەڵ شتێکدا دەکەین کە دروستیدەکەین و ماڵاوایی لێدەکەین و دووبارە دروستیدەکەینەوە.
بەختیار عەلی
پارچەیەک لە کتێبی (ناشوێن).
ئەۋەوەنەی و ئەرەگېرتەی کتېبەکەی: ناشوێن
ژمارەو ئەرەگېرتەکا:
856 جارۍ
چە نۋیسەرا، ھۊرگېڵنا و دەزگاکا ۋەڵاکەرڎەی داۋاکەرمۍ، ئەر پنەشا وەش نېیا، ئی کتېبە چە کوردیپێدیانە گېریۊرە، ئەرک نەبۊ، ئېمە ئاگاڎارۍ کەرا!
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 4,562 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!