دار کە بڕا چاوی لەبەهار نی يە
زۆر جار کەسێک لەوپەڕی زەوق و شەوق و کەيف خۆشيە کەچی لەپڕ وەک ئەوەی ئاوێکی ساردی بەسەرا بکەيت دەکوژێتەوە، ئينجا چ بەهۆی نەخۆشيەوە بێت يان تەگەرەيەکی بۆ دروستکراو و هەڵبەستراوێک ئەوا يەکسەر کز و خامۆش و مەلول دەبێت، درەخت و داريش بەهەمان شێوە ئەگەر بڕايەوە ئەوا لەبەهاردا چل و گەڵا دەرناکات چونکە ئه و بەتەواوەتی بڕدراوەتەوە و ژيانەوەی بێ سەمەر دەبێت، ئەمە بۆ جەرگ-سوتاوان و دڵبرينداران-يش هەر دروستە، ڕازانەوە و شايی و شادی نەورۆز وبەهار بەتۆ چی کاتێک دووچاری لەدەستدانی ئازيزان بووبيت هەڵبەت هاوشێوەی ئەم دەردەداريە کورد له و ئيديۆمەدا وتويەتی(دار کە بڕا چاوی لەبەهار نی يە).