بە زمان شێر دەکاتە ڕێوی
ئەو ئەندامەی ناو زاری مرۆڤ دەتوانێت ببێتە چەقۆ و تیغ و ئاوی بەخوڕ و تۆفان و ڕەشەبا و لێزمە و کورد وتەنی بەربێتە گیانی هەر شتێک ئاتاری لەسەر پاتاری ناهێلێت، هەندێکجاریش دەبێتە کڵوەشەکر و قۆزاخەی پەمۆ و دەنگی جۆبار و نەرمە هەوا و سرووە و شنەی شەماڵی ئارام و خوناوی سەر گژوگیا و کورد وتەنی (دڵی بەرد نەرم دەکات) ئەمە لە حاڵەتە ئاساییەکان و نائاساییەکاندا هەندێکجار ئەو زمانە چکۆڵەیە مرۆڤ وا قسەی پێ دەکات هەست ناکات تواناکانی خۆی چەندە و بایی چەندە بۆ نموونە مرۆڤێک توانای کەمی هەبێت بە زمانی دەتوانێت خۆی وانیشان بدات کە شێرە و لە بنەچەشدا توانای ڕێوییەکیشی نییە، ئینجا بەمەبەست و دەربڕینەوە بەو جۆرە کەسانە دەوترێت (بە زمان شێر دەکاتە ڕێوی) واتە لە کردەوەدا تیابەستە نەبووە و تەنیا بەزاروپلە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 1,075 جارۍ ۋینیێنە