نووسینی: ژی جی بینگ
وەرگێڕانی: خەسرۆ حەمەڕەشید و فوئاد فەخری و سەلمان عەلی
پڕۆسەی حوکمڕانیی چین.
پاش ئەوەی ناوەندی چاوی کورد هەردوو هاوکاری بەڕێزم مامۆستا خەسرۆ حەمەڕەشید و مامۆستا فوئاد فەخری و بەندەی بۆ وەرگێڕانی ئەم کتێبە ناوازەیە ڕاسپارد، کارەکە بە کۆتا گەیشت و هەر لەسەر ئەرکی ناوەندی چاوی کورد، بە سپاسەوە، چاپ و بڵاوکرایەوە.
کتێبەکە کۆبەندێکی وتەو وتارەکانی سی جینپینگ، سەرۆکی کۆماری چینە و ڕوانگەو کارو ستراتیج و پرۆژەو بەرنامەو سیاسەتە ناوخۆیی و دەرەکییەکانی سەرۆک و حکومەتی کۆماری گەلی چین لەخۆ دەگرێ.
بە حوکمی ئەوەی چین لەم ساڵانەی دووایداو لە ژێر فەرمانڕەوایی و ئیدارەی سەرۆک جینپینگدا پێشکەوتنێکی یەکجار گەورەی لە بووارگەلی تەکنۆلۆجیا و پیشەسازی و ئابووریدا بەخۆوە بینیوە و، ئەمەیش سەنگێکی زیاتری بەو وڵاتە لە ڕەنگڕێژکردنی سیاسەتی نێودەوڵەتیدا بەخشیوە، کتێبەکە بایەخێکی یەکجار گەورەی هەیە و دەکرێ کەڵک لە زۆرێک لە لایەنەکانی وەربگیرێ. [1]