کرێکارێکی خەڵکی #ورمێ# لە #دهۆک# بەهۆی ڕووداوی کارەوە گیانی لەدەستدا و بەمەش لە سێ مانگی (25-11-2019 - 25-11-2020) ڕابوردوودا شەش کرێکاری خەڵکی خۆرهەڵاتی کوردستان لە هەرێم گیانیان لەدەستداوە.
رێکخراوی مافی مرۆڤی هەنگاو بڵاویکردەوە: کرێکارێکی خەڵکی ورمێ بەناوی بەهمەن ڕەحیم، تەمەن 39 ساڵ لەکاتی کارکردن لە شاری دهۆک بەهۆی ڕووداوی کارەوە گیانی لەدەستداوە.
بەهمەن خێزاندارە و باوکی دوو منداڵ بووە.
هەر بەپێی زانیارییەکانی ڕێکخراوەکە لەو ڕووداوەدا کرێکارێکی دیکەی خەڵکی وەرێ بەناوی مەسعود عەبدولڕەزاق-، تەمەن 29 ساڵ بە سەختی برینداربووە.
لە #هەولێر#-یش کرێکارێکی خەڵکی شاری #پیرانشار# بەناوی حوسێن محەمەدی بەهۆی بەربوونەوە لە بینایەک برینداربووە و ئێستا لەژێر چاودێریی پزیشکدایە.
رێکخراوەکە ڕوونیکردووەتەوە: بە پشتبەستن بە ئاماری تۆمارکراو لە ماوەی سێ مانگی ڕابوردوودا (25-11-2019 - 25-11-2020) لانیکەم شەش کرێکاری خەڵکی خۆرهەڵاتی کوردستان لە باشووری کوردستان بەهۆی ڕووداوی کارەوە گیانیان لەدەستداوە.
ناو و ناسنامەی قوربانیان کە بڵاوکراونەتەوە ئەمانەن:
- بەهمەن قادری، خەڵکی #بۆکان# کە لە هەولێر گیانی لەدەستداوە.
- ئیرەج سەعیدی، خەڵکی ورمێ کە لە #سۆران# گیانی لەدەستداوە.
- هادی سەبووری، خەڵکی کامیاران کە لە سۆران گیانی لەدەستداوە.
- محەمەد قازی ئیبراهیم، خەڵکی #سەردەشت# کە لە #سلێمانی# گیانی لەدەستداوە.
- جەمشید ئیزدەی، خەڵکی #مەریوان# کە لە سۆران گیانی لەدەستداوە.
- بەهمەن ڕەحیمی، خەڵکی ورمێ کە لە دهۆک گیانی لەدەستداوە.[1]
#25-01-2020#