لەتڕی لۆتی سازترە
لۆتی لەناوی پێغەمبەر لوتەوە هاتووە، میللەتەکەی گوێڕایەڵیان نەکرد و کاری لاقەکردنی یەکتریان(قوندان) پەیڕه و دەکرد، ئەوانەی لەدوای ئه و پەیامبەرەوە هەر کارێکی له و شێوەیان بکردایە خاسیەتی ئۆمەتی(میللەت)ی ئه و پەیامبەرەیان دەدرایە پاڵ، لەناو عەرەبەکانیش لەدوای ئیسلامدا زاراوەی لۆتی بۆ قوندەران بەکارهاتووە، هەرچەندە کورد لۆتی بە کەسێکی لاسار و قەشمەر و گاڵتەجاڕ و ساختەچی دادەنێت و لە واتا ڕاستەقینەکەی دووری خستۆتەوە بەڵام له و ئیدیۆمەدا نزیکی کردۆتەوە لە داکەوتەیی وشەکە و کارەکە، بەکەسێکی بەردەوام ئامادە بۆ ئەنجام دانی هەر کارێک دەڵێت ئەوەندە لەسەرپێ و ئامادەیە(لەتڕی لۆتی سازترە).[1]