کەی تراژیدیای کورد کۆتایی دێت؟!
نوسينی: سەرمەد لەتیف
شێخ لەتیفی حەفید لە یادداشتەکەی خۆیدا باسی دۆخی ئەوکاتەی کورد دەکات کەچۆن هێزی ئاسمانی بەریتانیا بێبەزەییانە بۆردوومانی کوردەکانی کردووە و تەنانەت دەستیان نەپاراستووە لە ژن و منداڵی کورد.
شێخ لەتیفی حەفید بۆمان دەگێڕێتەوە کەبەهۆی بۆردومانی هێزە ئاسمانییەکانی بەریتانیاوە ماڵ و خێزانەکانیان بۆ هەورامان ڕەوانەکران، شێخ لەتیفی حەفید لای باوکی (مەلیک مەحموودی حەفید) دەمێنێتەوە و لەوکاتەدا فڕۆکەکانی ئینگلیز بێ بەزەییانە لە گوندی نۆدێ بۆردومانێکی سەختیان کردوون، لەو بۆردوومانەدا ئافرەتێکی کورد (دایکی عەقید مەحموودی) شەهید بووە. ڕۆژێک دواتر شێخی نەمر و ئەوانەی لەگەڵیدابوون لە نۆدێ وە چوونەتە کانی سارد، بەیانی زوو حەوت فڕۆکە دەستیان کردووە بە بۆردوومانێکی سەختی بێ ڕەحمانە، لەم کاتەدا شێخی نەمر و ماجید مستەفا و شێخ محەمەد غەریبی قازانقایە و حەوت ئەفسەری تێکۆشەر خۆیان حەشار دابوو لەناو دەوەنێکی گەورەدا!
شێخ لەتیف دەگێڕێتەوە و دەڵێت: باوکم منی خستە ژێر سنگیەوە، لەبیرم دێت پێم ووت: من لەتۆ زیاتر نیم!
لەوکاتەدا باوکم چاوی پڕ بوو لەئاو، ڕووی کردە یونس ئەفەندی و ووتی: سەیری لەتیف بکە چی دەڵێت!
لەم کاتەدا بۆمبێک دەکەوێتە خوارەوە، بەڵام بە ڕێکەوت ناتەقێتەوە و خوداوەند ڕزگاریان دەکات، ئەفسەرەکان ڕەخنەی توند لە شێخ مەحموود دەگرن کەچۆن دەبێت لەو بارودۆخە ناهەموار و مەترسییەدا جێی شێخ ئاشکرا بێت... ئیتر فەرمان بە سەربازەکان کرا تەقە لە فڕۆکەکان بکەن. لەئەنجامی ئەمەدا فڕۆکەکان بەرز بوونەوە و هەڵهاتن، لەم کاتەدا زەلامێک بەڕاکردن لەئاواییەوە بەرەو دەوەنەکان هات و ووتیان ئەوە شێخ ڕەشیدی خەمزەیە، چەند تفەنگێکیان پێوەنا، بەڵام سەلامەت دەرچوو، کەئاشکرابوو، شێخ ڕەئوفی کاکم بوو!
سەرچاوە: یادداشتەکانی شێخ لەتیفی حەفید، لاپەڕە 124-125
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 128 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!