ڕێوی بە کونێوە نەدەچوو، گەڕەشکی بەدوای خۆی خستبوو
ڕێوی خۆی باریکەلەیە و به و کونانەوە دەچێت کە خانە و هێلانەی خۆیەتی، هیچ کێشەیەکی نیە، گورج و گۆڵ دەتوانێت بەکونەکانی خۆیدا تێپەڕێت، بەڵام ئەگەر(گەڕەشک)ی بەکلکیەوە بێت، ناتوانێت بچێتە ناو کولانە و کونەکەیەوە، گەڕەشک چیلکەداری بەپڕژەی داری بەڕوو لە خۆشناوەتی پێی دەوترێت(گەڕەشک)، ئینجا ئه و حاڵەتە بووە بەئیدیۆم بۆ کەسێک بەکاردەهێنرێت کە خۆی زیادە بێت، چ ئەوەی شتێکی زیادەشی لەگەڵ خۆی پێ بێت بۆیە بووە به و ئیدیۆمە جوانە و دەوترێت(ڕێوی بەکونێوە نەدەچوو، گەڕەشکی بەدوای خۆی خستبوو).[1]