بە ناوی پەروەردگاری بەخشندە و میهرەبانەوە
بەڕێزان خانەوادە و بنەماڵەی تێکۆشەر(مام #حەمید ڕەشاش#).
بە داخ و پەژارەیەکی زۆرەوە هەواڵی ماڵئاوایی پێشمەرگە و تێکۆشەری دێرینی #یەکێتیی نیشتمانیی کوردستان# و هاورێی دێرینی سەرۆک #مام جەلال# و نوسەر و ڕوناکبیر (مام حەمید ڕەشاش)-م بیست، بۆ ئەو خەمەتان لە ناخەوە بەشداریی خەمتان دەکەم و پرسە و سەرەخۆشیی و هاوخەمی قووڵی خۆم ئاڕاستەی یەک بە یەکی خانەوادە و بنەماڵە تێکۆشەرەکەتان دەکەم و بۆ خۆتان خۆش بن.
مام حەمید کەسایەتییەکی نیشتیمانپەروەر و خۆشەویست و کۆمەڵایەتی دیاری شاری #هەولێر# و کوردستان بوو، لەماوەی تەمەنیدا و لە پاڵ ئەرکە پیرۆزەکەی کە وەک پێشمەرگەیەکی دڵسۆز و بە ئەمەک خزمەتی گەلەکەی کردووە، لە بواری نوسین و فۆلکلۆر و کەلەپوری کوردەواریشدا خزمەتێکی زۆری پێشکەشکردوە و لەو بوارەشدا خاوەنی چەندین کتێبە. هەر بۆیە لەدەستدانی ئەو کەڵەپیاوە لە ناخەوە نیگەرانیکردین و یاد و یادەوەریشی هەمیشە بە زیندیووی لە ناوماندا دەمێنێتەوە.
لە پەروەردگاری مەزن دەپاڕێمەوە گیانی کۆچکردووەکەمان بە بەهەشت شاد بکات و دڵنەوایی و سەبووری بە هەموو لایەک ببەخشێت و لە هەموو ناخۆشی و خەمێک بە دووربن.[1]
انا لله وانا الیە ڕاجعون
#لاهور شێخ جەنگی#
#21-01-2022#
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 1,858 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!