چوار زەبزەبە و یەک مزراح
#بەرزان ئەیوب#، #سلێمانی#
زەبزەبەی یەکەم.
هەرپیاوێک وتی :
ژن هیچ نیە و پیاو بەبێ ژنیش ئەتوانێ ژیان بەسەر بەرێت.
یان وتی : من پارە پەیا بکەم ژن بیخوات ؟
دڵنیابن لە دوو نەخۆشی یەکێکیانی هەیە.
یان توانای پیاوەتی و غەریزەی لاوازەو حەز بە سێکس و وەچە خستنەوە ناکات، یان زۆر ڕەزیل و چروکەو حەز بە ئیدارە دانی ماڵ ناکات و ئیحساسی ژن و مناڵ بەخێوکردنی سفرە...
کابرا هەفتەی جارێک خۆی ئەشوات بۆگەنی بن باڵ و ناوگەڵی قرش لەبەحرا کەم ئەندام ئەکات، ئێ ئەوە چۆن تاقەتی ژنی بۆن خۆشی هەیە ؟
توکی سەرو بەر و سەر ڕومەت و گوێچکەی بەچوار گوێزانی جولێت پاک نابێتەوە، ئێ سەقەتی وا خۆێ پێ پاک و ساف نەکرێ لەکوێ حەوسەڵەی ژنی پاک و سافی هەیە ؟
کابرا حەوتی بەیانی ئەڕواتە دەرەوە بۆ کەسابەت هەتا پێنجی ئێوارە دوو لەفەی فەلافل ئەخوات، دەمی کەفی سپی کردوە و بەردەوام قەبزە، بەرچاوی ڕەش بۆتەوە هەرچی پێی ئەڵێن ڤیتامین و ئۆمیگاسری لەجەستەیا نەماوە، ئێ بەبیلاهی ئەوە ژن بێنێت و ژنەکەی داوای دوو کیلۆ کەباب یان دوو ماسی برژاوی لێ بکات بۆ دەعوەتی ماڵی باوکی لەوانەیە قەتڵ جەماعی ماڵە خەزورانی بکات.
تڕپیاوی وا فریای خۆی نەکەوێت و ڕۆژانە موراجەعەی نەفس و ڕجولیەتی خۆی نەکاتەوە گوناهە بۆن بەژنی ناسک و جوانەوە بکات، بەس بۆ ئەوەباشە کەڕوو لەهەموو جەستەی بدات هەتا دائەڕزێت و بەهیچ دکتۆرو دەرمانێکیش نەیاتە چارەسەر کردن.
زەبزەبەی دووەم..
هەر ئافرەتێکیش وتی، زەواج بریتی نیە لەسێکس، زەواجێک کەمتر، مناڵێک کەمتر، پیاو هیچ نیە و ئافرەت ئەتوانێ بەبێ پیاویش بژی،
لەدوو نەخۆشی یەکێکیانی هەیە..
یان سیفەتی نێر زاڵە بەسەریاو نەک حەزی بەئەوامیری پیاو نیە بەڵکو خۆی بە ئەمیر و بڕیاردەری ژیانی خۆی و کەس و کاریشی ئەزانێت..
یان توانای ڕۆمانسیەت و سێکس کردن و بون بەدایک و مناڵ بەخێوکردنی لەپاوەرە ڕەئیسیەکەوە ئۆف کراوە...
جا دیقەتم یاوە زۆرینەی ئەو خانمانەی ئەم سیفەتانە مۆنۆپۆڵی کردون (داگیرکاری بەزۆر) کەرەستەی هیچ پنتێکی ژیانسازییان تیا بەدی ناکرێ، بەردەوام توڕەن، کەمترین پێکەنینیان هەیە، ئەکتێکی ناباو زاڵە بەسەریانا، هەر لەخۆیانەوە مۆڕە لەدار و بەرد ئەکەن، هیوایەتیان کالەی ئەدیداس و تاک شەرواڵە، بەس هێلکەو ڕۆن و پەتاتەو تەماتە سورکردنەوە ئەزانن، هیوایەتیان پێشی سەیارەو چون بۆ دەعوەتە، دەستیان زۆر زلە، موی سمێڵ و ژێر چەناگەیان ڕەش و ئەستورە، قاچیان گەورەیەو هەرکات تاقەتی پیاویان نەبێت بە پاژنە پێیەک پیاو توشی فتق و پڕۆستات ئەکەن، بەردەوام ئەڵێی پوزەوانەیان لەپێ کردوە،
پوزەوانەیان بسوتێنم زۆر ئینکار و قسە ڕەقیشن.
زەبزەبەی سێیەم...
برادەرێک هەیە گیرێکی خواردوە بەدەست ژنەکەیەوە مەگەر ڕیکۆردە عالەمیەکان ئەو گیرەیان بەدەست کریستیانۆو و میسیەوە خواردبێ،
هەموو بەیانیەک لەدەرەوە نان ئەخوات، وتم ئەی لەماڵەوە ژەمی بەیانیتان تەرک کردوە ؟
وتی نەوەڵڵا، من فریای نان خواردنی ماڵەوە ناکەوم.
وتم یانی چی ؟ لێت تێناگەم.
وتی ژنەکەم سەعات نۆی شەو خرپەی خەوی یەت، لەسەعات پێنجی بەیانیەوە بەخەبەرە، ئەڵێی نیەتی هێناوە کودەتا بکات بەسەر شار و گەڕەکا، نوێن لائەبا، چایی لێ ئەنێ، شڵقەی هێلکەو ڕۆن و دەنگی کەوچک و تاوەکەی مێشکم پڕ ئەکەن لە فەوزا، سەعات شەشی بەیانی سفرەی کۆکردۆتەوە قۆری و پیاڵەی شتوەو دەسەکا بەگسک لێیان، من هیشتا تەپاو تلمەو تێر نیوەخەویش نەبووم.
وتم ئەی باشە خەوت نازڕێ ڕاناچڵەکی لەوکاتەیا ؟
وتی قەسەم بەخوا بەشێوەیەک ڕائەچڵەکم واهەستەکەم لەناو جەبهەو شەڕە بیکەیسییام، شڵقەی ئەو هێلکەو ڕۆنە لەگوللەی وێڵ ئەچێ چزززززز ئەڕوا بەبن گوێما، دەنگی گسک و شۆردنی پیاڵەکان لەسەر سینیەکە لە دەنگی مەلەکەل مەوت ناخۆشترە، نازانم و لەوە تێناگەم پیاڵەکان لەسەر سنگ و بەلوعەکە ئەشوات، لەسەر سفرەو سینیەکەش بەئاوی کوڵاتو ئەیانشواتەوە، خۆزگە لەو دوو نهێنیەی ژنان تێ ئەگەیشتم بۆچی دوجار پیاڵەو ژێر پیاڵە ئەشۆنەوەو بۆچی لەکاتی پەڕینەوەیان لەجادە تا نیوەی جادەکە ئەڕۆن و سەیارەیەک ئەبینن ئەگەڕێنەوە بۆ دواوە ؟؟؟...
زەبزەبەی چوارەم....
برادەرێکی تر هەیە ژنەکەی گیری خواردوە بەدەستیەوە (ئیتر ئەمە ئەکتی دێزییە لەزۆر شوێن و شار و ماڵ هەیه) لەساڵێکا چوار ژەم نانی ماڵەوە لەگەڵ ژنەکەی ناخوات، بەیانی هەتا ئێوارە لە بازاڕە، ئێوارە هەتا درەنگی شەو لەدەوامە، درەنگی شەو بەشل و شەکەتی ئەڕواتەوە یەکسەر بۆ ناوجێگاو خەوی قورس، بەبێ ئەوەی هەست بەو فۆرمە ناچیزە بکات کە ڕەوڕەوی ژیانی پێ ئەچەرخێنێت...
ڕۆژێک پێم وت چ لەززەتێک لەم ئەکت و پنتە بێ تامانەی مامەڵەت ئەبینی لەگەڵ خۆت و ژنەکەت ؟
وتی حیچ.
وتم ئێ باشە بۆچی بەم فۆرمە بێ ئەتەکێتیە ژنت هێنا ؟
وتی وەڵڵا کەربوم.
وتم وەڵڵا کەر بەکەری خۆیەوە ساڵی جارێک بۆ دووجار ئەپەڕێ بۆ زاوزێ و بەچکە خستنەوە، بەڵام بەدرێژایی ساڵ کەری نێر هیوایەتی ڕۆمانسیەت و ژیانسازیە لەگەڵ کەری مێیا، یەک سەعات حەزناکات بەبێ مێیەکەی چەرچیانە و بێ مۆراڵیانە تامی ژین و بوون بکات.
وتی بەخوا کەرە کەری نێر...
وتم ڕاستەکەی تۆ زۆر عاقڵیت، قەسەم بەخوا دەسەڵاتم هەبێ ئەو جۆرە پیاوانەی وەک تۆن بەس ئالیکتان پێ ئەدەم بەکەری نێر و تەویلەو گەوڕتان پێ پاک ئەکەمەوە، ناو و ناتۆرەی ناشرینتان لێ ئەنێم و مەحرومتان ئەکەم لەهەموو کایە چێژ بەخشەکانی گەردون.
یەک مزراح.
مرۆڤ بۆ ئەوەی وەکو مزراح زەب زەبەی پێ نەکرێ و نەیخولێننەوە پێویستە چاوەکانی باش بکاتەوە، تەقیمی ژیرانە بکات و بەعەقڵ بڕیار بدات نەک ببێتە کۆیلەی دڵی، بگاتە ئەو دەرەنجامە دروستەی هەردوو ڕەگەزەکە پیاو یان ئافرەتی لەم تایپە هەتا لێیان دووربیت هێشتا کەمە، تەحەمول کردنی ئەو دوو نەوعیەتەی ژن و پیاو سەختیەکە ناخی مرۆڤ ئەسوتێنێ...
هەر ئافرەت و پیاوێک بابەتی غەریزەو سێکسیان بەجدی و کایەیەکی گرنگی ژیان نەزانی مەشریق و مەغریب لێیان دوور کەونەوە...
هەر ئافرەت و پیاوێک دەمەوەر و بۆڵە بۆڵکار بوون، دڵ پیس و دەم پیس بون و چێژیان لە بێ دەنگی و تەنەزول کردن بۆ یەک نەبینی و پەسنی توڕەیی یەکیان نەکرد فڕێیاندەنە دەم ڕەشەبا...
هەر ئافرەت و پیاوێک زۆر خوویان دایە خوێندنەوەو دنیای ڕوح و عیشقی مەجازییان زاڵ کرد بەسەر کەسابەت و ڕۆمانسیەت و غەریزەو سێکسدا توڕیاندەنە دەم شەپۆلە سەر شێتەکانی دەریا،
ژیان کردن لەگەڵ ئەو مرۆڤانە بەو تەبیعەتانەوە ئارامگری پەیامبەرانی ئەوێت، ئارامگری پەیامبەرانیش لەم سەردەمەی ئێستایا شتێکە لەسەروو مەحاڵەوە.
سێکس و وەچەخستنەوە نەمێنن ژیان نامێنێ،
مرۆڤ نامێنێ، کتێب نامێنێ، عەقڵگەرایی نامێنێ، داهێنان و نوێگەری نامێنێ.
چوار زەبزەبە مەبەستم لەچوار ژنیە، یەک مزراحیش مەبەستم لە پیاوە هەتا ژنی زیاتری هەبێت باشتر زەبزەبەی پێ ئەکەن و لەسەر شیپەکەی ئەیخولێننەوە.[1]