دەقی پرسەنامەکەی #نێچیرڤان بارزانی#:
زۆر بەداخەوە بۆ کۆچی ناوادەی خوالێخۆشبوو ڕەهبەر محيەدين محەمەد ئەمين، سەرۆکی فەرمانگەی کارگێڕيی گشتيی سەرۆکايەتيی هەرێمی کوردستان کە لە تەمەنێکی گەنجيدا کۆچی دوايی کرد و خەمباری کردين. لەم کۆستە خەمناکەی خانەوادە بەڕێزەکەياندا، پرسە و سەرەخۆشی و هاوسۆزی و هاودەرديی قووڵم ئاراستەی خۆيان و کەسوکار و هاوکاران و دۆست و هاوڕێيانی دەکەم. لە خوای مەزن داواکارم گيانی بە بەزەيی و ميهرەبانيی خۆی شاد بکات و دڵنەوايی و ئارامی بە خێزان و کەسوکاری و هەمووان ببەخشێت.
کاکە ڕەهبەر بە ڕاستی نموونەی فەرمانبەرێکی پاک و دڵسۆز و کارزان و پيشەيی و خەمخۆری کار و خزمەت بوو، هەرگيز لە خزمەتکردن ماندوو نەدەبوو، هەر بۆيە مايەی ڕێز و خۆشەويستی و پێزانينی هەموو هاوکاران و دەوروبەرەکەی بوو. لە ميانی ساڵانی خزمەتيدا، نموونەيەکی جوانی مرۆڤێکی نەرم، ئارام، لەسەرخۆ، خزمەتکار و لەخۆبوردەی پێشکەش کرد. دڵنيام ياد و يادگارييان، بۆ هەميشە لای ئێمە و هاوکارانی بە زيندوويی دەمێنێتەوە.
گيانی شاد و يادی هەميشە بە خێر بێت.
نێچيرڤان بارزانی
سەرۆکی هەرێمی کوردستان
2022/2/6[1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 2,014 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!