دوو لە ئادارێ یەک لە نیسانێ، دێنێ موڵکی خۆراسانێ
پێشینانمان لە وراتی کوردەواری ئەزمونی زۆریان لەسەر پیشە و کاروباری کشتیاری و وەرزێری و کشتوکاڵکردن تاقیکردۆتەوە و زانیاری و شارەزاییەکی باشیان کۆکردۆتەوە، حسابگری زۆریان تێدا هەڵکەوتووە، ئه و حسابگرەوانە هێندە باش حسابی خۆیان ڕاگرتووە و بە بەرد و پەنچە و چیلکە کە دێنە ئاخاوتن و گفتوگۆ قسەکانیان دەبێتە نەقشی سەر بەرد و زۆرجاران سەد دەر سەد هاتۆتە جێ، ئێستا کە مانگی(نیسانی 2022)ەوە لە باشوری کوردستان تەواو هەست به و ئیدیۆمە کوردەوارییە دەکرێت و ڕاستی ئه و گۆتەیە دەردەکەوێت، ئەمساڵ لە باشوری کوردستان باران بارین لە گەرمیان زۆر کەم بوو، لایەنی پەیوەندیدار دۆخی وشکە ساڵی ڕاگەیاند، چونکە لەمانگەکانی(شوبات و ئادار) باران زۆر کەم باری و زەنگی وشکە ساڵی لێدرا، چونکە بارانی مانگەکانی(نیسان و مایس) ناتوانن شوێنگرەوەی بارانی زستانە بگرنەوە، چونکە خاک نێر دەبێت و ناتوانێت هیچیتر ئاو وەربگرێت و کورد دەڵێت: خاک لێوان لێو بووە(خاکەلێوە)یە، ئەم ئیدیۆم و گۆتەیەی سەرەوە تایبەتە به و دەغل و دانەی کە پشت به ئاوی باران دەبەستێت، واتە بۆ دانەوێڵەی گەنم و جۆ کە لە کوردستاندا لە زەوییە پشتاوەکاندا دەڕوێنرێن، لەمانگی(ئادار) دوو بارانی بەباشی لێ بدات ئەوا دەغڵەکە تێرئاو و گەش دەبێت و لاسک وباڵاکەی بەرزدەبن و قەف و گوڵ دەردەکەن ودەنکۆڵەکان پڕ شیر دەبن و ئامادە دەبن بۆ مانگی نیسان و مانگی نیسانیش ئەگەر یەک باران بەباشی ببارێت ئەوا بەتەواوەتی بەرهەمەکە لەخەم دەردەچێت و پێ دەگات، ئه و سێ بارانەی هەردوو مانگی ئادار و نیسان ئەزمون کراوە و بە موڵکی خۆڕاسان بەراورد کراوە چونکە خۆراسان کە ناوچەیەکی بەرفراوانی ئەوپەڕی ڕۆژهەڵاتی ئێرانە و وشەیەکی کوردی دەولەتی مادە بەمانای خۆرهەڵسان دێت ئێستا پاشماوەی خۆڕاسان لە نێوان(تورکمانستان و تاجیکستان و ئەفغانستان و ئۆزبەکستان و ئێران) دابەشبووە و زیاتر لە دوو ملیۆن کوردی کرمانجی تێدا نیشتەجێیە و دەشت و زەوی و زارێکی زۆر و فراوان و بەپیتی و بەرکەتی هەیە، بۆیە کورد وتویەتی بۆ دەغڵ و دانی پشتاو و دێمەکار: دوو لە ئادارێ یەک لەنیسانێ، دێنێ موڵکی خۆڕاسانێ، بەداخەوە تا ئەم بەروارە(05-04-2022) نە لە ئادارێ باریووە نە لەنیسانێ بۆیە دەتوانرێت بوترێت: نە لە نیسانێ نە لەئادارێ، بووە بە بیابانی عەرەبێ. [1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 578 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!