کاڵەکی شیرین دەبێتە قیسمەتی ڕێوی
کاڵەک، گندۆرەی بەتام و پڕچێژ و شیرین دوای نزیکەی سێ مانگ لە چاندنی بێستان پێ دەگات، بێستانیش دێمەکارە و پشت بە ئاوی باران دەبەستێت، شتی دێمەکاریش زۆر دەگمەن و پڕبایەخە، ڕێویش شەوان دەچێتە ناو بێستانەکان، کام کاڵەک و گندۆرە بەگۆشت و پڕن دەچێت ئەوی دەخوات، ئەوە لایەنی ڕاستەقینەی ئیدیۆمەکەیە، وەکو توانج و پەلاریش بەژنێکی جوان و خانومان وباش دەوترێت کە درابێتە پیاوێکی گەوج و بڵح و بودەڵە و سینگەتەڵە و قەزەم و ناشیرن ونابووت و لاپرەسەنگ و هەپرەگوون هاوشێوەی ئه و ئیدیۆمەش هەیە وەکو: (گیای جوان بزن دەیخوات، گندۆرەی شیرین ماری چەقەڵە).[1]