کەر لە قوڕدا ئەگێت
لە نوکتە و چیرۆکە کۆنەکانی مەلای مەشهور دا هاتووە، دەگێڕنەوە ڕۆژێک کابرایەک دێتە لای مەلای مەشهور و دەڵێت: مەلا ماڵی فڵان کەس کەرەکەیان زاوە جاشکێکی بێ کلکی بووە، ئەویش زۆر خەفەتی بۆ دەخوات دەڵێت: باشە ئەگەر سبەینێ گەورە بوو، لە قوڕێ چەقی چۆن؟ خاوەنەکەی بڵندی بکات و لە قوڕەکەی دەربهێنێت، قوڕ و چەقین لە قوڕ، لە زۆربەی وڵاتانی دونیادا ئیدیۆم و پەندی لەسەر هاتووە لەناو کایەی سیاسی و نێودەوڵەتیش شکانی وڵاتە یەکگرتووەکانی ئەمریکا-یان لە (ڤێتنام) بە چەقین لە قوڕاوی (دیان بیان ڤۆ) باسکردووە لە ساڵی 1952ی زایینیدا، قوڕ چ سرووشتی بێت لەناو لێڕەوار و جەنگەڵ و هۆڕ و زەڵکاواندا هەبێت یان مرۆڤ خۆی گرتبێتییەوە، ئەوەی بکەویتە نێویەوە دەچەقێت، ئینجا چ مرۆڤ بێت یان وڵاغە بەرزە و بارەبەری وەکوو ئەسپ و ئێستر و گوێدرێژ، ئەوەی بچەقێت پێویستی بەدەستبار و دەستگرۆیی و دەستگرتنە تاوەکوو لە قوڕ و چڵپاوەکە دەربهێنرێت، چونکە تەواو پەلەکانی تا سەرووی ئەژنۆی لە قوڕەکەدا دەچەقێت و ناتوانێت یەک بە پێیەکانی خۆی هەنگاو بنێ و دەستەپاچە دەوەستێت، ئەو حاڵەتە بێ دەسەڵاتییە و چەقینە بووە بە ئیدیۆم و بەکەسێکی فرسەت حیز و لە دەرفەت گەڕەوان دەوترێت: کەر لە قوڕدا ئەگێت.[1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 910 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!