بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$سەڵوی باد بەردە$
سەڵوی باد بەردە، سەڵوی باد بەردە
میحنەت زەدەی دەرد، سەڵوی باد بەردە
بە ناڵە و گریان چوون ئازیز مەردە
پەی چېش ڕېزانی، دەرون بێ دەردە؟
وات جە دیدەی بەد من پێم نەیاوان
خەتای کەس نېیەن، جە وېمەن تاوان
ڕوێ من مەشغوڵ بە قیامم بێ
سەر مەستی باڵای وەش ئەندامم بێ
من جە وەشی و زەوق، شەماڵ وەپای هەرد
پەی پەی جە قیام بەرگی خەمم بەرد
پېسە مەزانام جە ڕووی دونیاوە
نەمەردان چوون من هیچکەس بەپاوە
قەمەر ڕوومەتێ، دیدە سیایێ
موژگان نەشتەر ساو، حەیران دیایێ
بە سافی جەمین وێنەی جامی جەم
باڵا چوون سەرو گوڵ غونچەی ئیرەم
بە سەد ناز چوون حوور مەخېزۆ بە قەست
تا بازاڕی حوسن من بدۆ شکەست
خېزا شوعلەی نوور وەختێ هۆرێزا
بە خېزیاییش ڕەستاخیز خېزا
دیم پېچان نە دەور بەژن و باڵای وېش
دارایی و قوماش، ئاڵ و واڵای وېش
باڵا چوون ئاڵای سەرئەفرازی وېش
شێوە و لەنجە و لار، خەمزە و نازی وېش
حەیرانی ئەو بیم من وېم شی جە ویر
پی تەور بیم خەمناک، پەژارە و دڵگیر
ئەو خەزان سەڵوێ، من پا بەندی گڵ
من کۆگای خەمان، ئەو دەرمانی دڵ
خەیلێ تەماشای باڵای ئەو کەردم
داخی زەریفیش نە دەروون بەردم
ئۊسا چەو دما گرەوام، ناڵام
تا باد بدۆ باد شکستی باڵام
نەبا ئەو باڵا، نەمامی نەوخېز
یاران بوینان من وزان وە بېز
[1]