شیربایی خۆرە
لە کوردەواریدا کچان کە دەگەیشتنە تەمەنی بەشوودان، ئەگەر برا و باب و مام و خاڵ بۆ خۆیانیان بەشووبدایە دەوترا: ژنی بۆ برای کردووە یان باب و مام و خاڵی، هەندێکجار ژنە بەژنە و جارجارەش گەورە بەگچکەیان پێکراوە کە بن پشکیان پێ گووتوە، جاریش هەبووە چەند خوشکێک تاقە برایەکیان هەبووە، یان تەنها پیرە بابێکیان هەبووە، کە بەمێرد دراون لەباتی ئه و شیرەی دایکیان لەزاری ناون و پێی پەروەردە و گەورە کردوون بڕێک پارە وەرگیراوە چ بۆ باوکەکە یان بەناوی کوڕەکەوە وەرگیراوە، به و بڕە پارە یان کەل و پەل و مەڕوماڵاتەی وەرگیراوه، بەبیانووی بەهای شیر پێدانی دایکی کچەکە، بە بەهای ئه و شیرەیان ئەژمارکردووە، دواتر گۆڕانی بەسەرداهاتووە و بووە بەشیربایی: شیر+بەهای، شیری دایک لە کوردەواریدا زۆر جێگەی بایەخ و پیاهەڵدان بووە دایک لەکاتی توڕەبووندا وەک توک و نزا بەکاریهێناوە: ئه و شیرەت لێ حەڕام بێت، یان وتراوە: فڵانە کەس شیری پاکە، یان فرچکی بەحەڕام گرتووە و....تاد، دوای پێشکەوتنی کۆمەڵگا و دوورکەوتنەوەی ڕێژەیی، له و کلتور و نەریتەی وەرگرتنی شیربایی، ئه و باوک و برایانەی کە لەکاتی بەشودانی کچ و خوشکەکانیان شیرباییان وەرگرتووە، بەچاوێکی بێ ڕێزەوە سەیردەکران و وادەهاتە بەرچاویان ئەوان مامەڵەی بەکچ و خوشکیان دەکەن، بەتەوس و سوک سەیرکردنەوە پێان دەوترا: شیربایی خۆرن.[1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 1,087 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!