تۆرا چاڤ یا چاڤدێریکرنا دیموکراسیەتێ و مافێن مرۆڤی دگەل چەند رێکخراوێن دی ئیدانا ھێرشا دوھی کرن.
شێرزاد پیرموس نوینەرێ تورا چاڤ د کونگرەیەکێ روژنامەڤانی دا راگەھاند و گوت: هێزێن تورکیا بتاوانەکا دی رادبیت دژی گەشتیارێن سڤێلێن بێ گونەه ل ئیدارا سەربەخویا زاخۆ و تۆبخانێن تایبەت یێن هێزێن سەربازیێن تورکی تاوانەکا چەپەل یا بۆردۆمانکرنا خرڤەبوویێن گەشتیاری ل گوندێ برخ ل ناحیا دەرکارێ لئیدارەیا سەربەخویا زاخۆ ئەنجامدا، کو بوو ئەگەرێ شەهیدبوونا 9 کەسان و برینداربوونا 23 کەسێن دی ژ هاولاتیێن مەدەنی یێن گەشتیار ژ ناڤەراست و باشۆرێ عیراقێ.
گوتژی:ئەم ل تۆرا چاڤ یا چاڤدێریکرنا دیموکراسیەتێ و مافێن مرۆڤی ئەڤێ کریارێ ئیدانەو ریسوا و شەرمزار دکەین کوئەڤە چەندین جارە دژی هاولاتیێن مەدەنی و سڤێل و بێگونەه ژلایێ هێزین تورکی ڤە ل کوردستانا عیراقێ دهێتە ئەنجامدان، ب تایبەتی ل ئیدارا سەربەخویا زاخۆ و ئامێدیێ. ئەم داخوازێ ژ حوکمەتا عیراقێ و حوکمەتا هەرێمێ دکەین کو کاری ب رژدی بکەن بۆ راوەستاندنا ڤان سەرپێچیێن بەردەوام ل سەر سەروەرییا عیراقێ و دانانا سنۆرەکی بۆ ڤان کارەساتان.
ھەر لسەر ڤێ توببارانێ گوت: هەر وەسا داخوازێ ژ حوکمەتا عیراقێ دکەین کو داخوازێ ژ جڤاتا ئاسائیشا نێڤ دەولەتی بکەت ژبۆ ئەنجامدانا روونشتنەکا بلەز ژبۆ دانا بڕیارەکا نێڤ دەولەتی ژ بۆ ریسواکرن و شەرمزارکرنا ڤێ دوژمنکارییا چەپەل دژی هاوولاتیێن مەدەنی یێن بێ گونەه، چونکی ب ئارمانجکرنا هاولاتییان ددەولەتەکێ ژلایێ هێزێن سەربازی یێن دەولەتەکا دیڤە دهێتە هژمارتن سەرپێچیەکا ئاشکرا لسەر پرەنسیپێن یاسایێن نێڤ دەولەتی یێن گرێدای ب رێزگرتنا سەروەریا دەولەتێ ڤە، زێدەباری کو دهێتە هژمارتن سەرپێچییەکا شەرمزار لسەر پرەنسیپێن مافێن مرۆڤی و تاوانەکا چەپەلە دژی هاولاتیێن مەدەنی.
PUKmedia ئانا دیدار.[1]
ئی بابەتۍ بە زۋانی (کرمانجی - کوردیی سەروو) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ 1,403 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!