لە دیمانەیەکی باسنیوز دا (سەعید جردۆ)، سەرۆکی نوێی دەستەیی باڵای بنکەی #لالش#ی ڕۆشنبیریی و کۆمەڵایەتیی گوتی:'' لەسەر هەمان خەبات و دروشمە بەناوبانگەکەی کە (لالش کە کانیاوێکی زوڵاڵە و دەچێتە نێو ڕووباری ڕۆشنبیری کوردی)یەوە و بە خوێنێکی تازە و یەکگرتوو و یەک تیم کاردەکەین، لە پێناو ناساندن و پاراستنی کولتووری ئێزدییان بە جیهان و دەست بە دروستکردنی کەناڵە ڕۆشنبیرییەکان دەکەین.
(باسنیوز) کۆنگرەی 14ی بنکەی لالش چۆن بەڕێوەچوو؟
سەعید جردۆ: کۆنگرەی بنکەی لالش لە سەرەتای مانگی ئاب بەڕیوەچوو و زیاتر لە 400 کەس بەشدارییان تێیدا کرد و لە هەموو ناوچە ئێزدی نشینەکان بەشدارییان هەبوو، هەموو ئەندامەکانی لالش بە ئازادانە و دیموکراسیانە بەشداریی هەڵبژاردنیان کرد، 15 کەس بۆ دەستەی باڵای بنکەکە هەلبژێردران، دوای چەند ڕۆژ سەرۆک و جێگر و سەرۆک لیژنەکان دانران.
(باسنیوز) کارنامەی دەستەی نوێی بنکەی لالش چییە؟
سەعید جردۆ: ئەمجارە دەستەی باڵا بە یەک تیم لە هەموو ناوچە ئێزدینشینەکان کار بۆ ناساندنی چاند و کولتووری ڕەسەنی ئێزدییان بە دونیا دەدەین و هەوڵ دەدەین، و ئەو شتە ناڕاستانەی لە سەر ئێزدییان نووسراوە ڕاست بکەینەوە، هەروەها هەوڵ دەدەین، بە یەکگرتوویی خزمەت بە ئێزدیاتی و کوردایەتی بکەین لە بوارەکان ڕۆشنبیریی و کۆمەڵایەتی.
(باسنیوز) بۆ ناساندنی کەیسی ئێزدییان چی دەکەن؟
سەعید جردۆ: یەکێک لە کارە لە پێشینەکانمان بە جینۆساید ناساندنی کەیسی ئێزدیەکانە بە جیهان، لە ڕیگای هەموو لق و نووسینگەکانمان کار بۆ هاوکاری ئێزدییان و چالاکییە ڕۆشنبیرییەکانمان بەهێزتر دەکەین، چونکە ئێزدیەکان ڕووبەڕووی کۆمەڵکووژیەکی گەورەبوون، دەبێت سەرجەمی ئەم تاوانانە دۆکیومێنت بکرێن.
(باسنیوز) بۆ کردنەوەی لق و نووسینگەکانتان چ بەڕنامە و پلانێکتان هەیە؟
سەعید جردۆ: ئامانجی بنکەی لالش کردنەوەی کەناڵە ڕۆشنبیرییەکانە لە هەموو شوێنەکانی دونیا و یەکێک لە ئامانجەکانمان کردنەوەی نووسینگەکانە لە هەموو شوێنەکانی ئێزدیی نشینەکان.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 1,019 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!