بەو خالقی پەروەردگار
دنیام ناوێ بێ گواره دار
دنیام ناوێ بێ نازداران
لەگەر ڕەوێی کيژ و کاران
جەرە جەرەب چووین لۆ داران
شاییەکمان کرد لەو لای ماران
لێی هەر کردین تاوەک باران
خوایه خۆش کەی لۆ قوماران
پەرگەندە بووین چووین لۆ شاران
چووینه شاری شارباژێڕی
چاوم کەوتیە به گوارە زێڕی
عاشقان له دین وەردەگێڕی
عاشقان له دین دەر دەباتن
دوو بێ ی لەسەر سینگی هاتن
يەک شەکرە يەک نەباتن[1]