ناو: زیاد
ناوی باوک: ڕەشاد قادر
رۆژی لەدایکبوون: 1974
شوێنی لەدایکبوون: #هەولێر#

$ژیاننامە$
ناوی تەواوی (زیاد ڕەشاد قادر)ە.
لە ساڵی 1974 لە گوندی (خرابەدراو)ی سەر بە پارێزگای هەولێر لە باشووری کوردستان لە دایک بووە.
لە ساڵی 1998 بڕوانامەی بەکالۆریۆسی لە کۆلیژی کارگێڕی و ئابووریی زانکۆی سەلاحەددین- هەولێر وەرگرتووە.
لە ساڵی 2016 ماستەری لە ئەدەبی کوردی لە زانکۆی یوزنجو یل لە شاری وانی باکووری کوردستان بە دەست هێناوە و تێزی ماستەرەکەشی لەسەر ئەدەبی منداڵان بووە.
ئەندامی کارای سەندیکای ڕۆژنامەنووسانی کوردستان و ئەندامی یەکێتی نووسەرانی کوردە.
لە (1997)وە یەکەم پەخشانە شیعری بە ناونیشانی (خۆزگە شەونمییەکانی گوڵەگەنم) نووسیوە و تا ئێستا چەندین لێکۆڵینەوە و گوتار و ستوونی ڕۆژنامەوانی و دەقی ئەدەبی و ڕیپۆرتاژ و گفتوگۆی ڕۆژنامەوانی و شیعری منداڵانەی بڵاو کردووەتەوە و ژمارەیەک لە شیعرەکانیشی کراونەتە گۆرانی.
لەنێوان ساڵانی (2000-2004) بەرنامەی ئەدەبی بە ناوی (سەدای خامە) بۆ ڕادیۆ ئامادە و پێشکەش کردووە.
لەنێوان ساڵانی (2004-2019) وەک ئەندامی دەستەی نووسەران و بەڕێوەبەری نووسین و سەرنووسەر لە ژمارەیەک گۆڤار و ڕۆژنامەدا کاری کردووە.
لە ژمارەیەک کۆڕ و سیمیناردا باس و بابەتی پێشکێش کردووە. پێداچوونەوەی زمانەوانی بۆ ژمارەیەک لە کتێبی نووسەرانی دیکە کردووە و پێشەکی بۆ چەند کتێبێکیش نووسیوە.
لە پای نووسین و چالاکییە ئەدەبییەکانی تا ئێستا ژمارەیەک ڕێزنامە سوپاسنامەی پێ بەخشراوە، جگە لە تێزی بەکالۆریۆس لەسەر یەکێک لە دیوانە شیعرییەکانی، هەروەها ژمارەیەک نووسین و ڕانان لەسەر هەندێ دەق و کتێبەکانی کراون.
$کتێبە چاپکراوەکانی:$
1- لەسەرخۆنووسی (پرۆژەی هاتنەبوونی ڕەخنەیەکی نوێ)، بە هاوبەشی لەگەڵ چەند نووسەرێک، هەولێر، 2000.
2- ڕازە سادەکانی بەفر، شیعر، سلێمانی، 2004
3- کەروێشک خەو بە فیلەوە دەبینێ، چیرۆک بۆ منداڵان (ئامادەکردن)، هەولێر، 2010
4- گوتوبێژ(نۆ گفتوگۆی ڕۆژنامەوانییە)، هەولێر، 2011
5- سۆمای پاکژ، چیرۆک بۆ منداڵان، هەولێر، 2012
6- گوڵەئەستێرە، شیعر بۆ منداڵان، هەولێر، 2012
7- زمان و میدیا، توێژینەوە، هەولێر، 2013
8- منداڵێکی پایزنشین، شیعر، هەولێر، 2014
9- لە ئەوسای منەوە بۆ ئێستای تۆ، نامەی ئەدەبی، هەولێر، 2014
10- کزەبای سەفەر و ئاونگی منداڵی، شیعر، هەولێر، 2015
[1]