ئسمێ تەیە مەکتووب د دیوانێ قدەم دا
حەرفەک قەلەمێ علمی ب تەقویمێ ڕەقەم دا
ئەشکال و خەتێن دائرەیێ نوقتەیێ علمن
ئەڤ نەقش و مسالن د خەیالاتێ عەدەم دا
میم مەتلەعێ شەمسا ئەحەد ئایینە سفەت کر
لامع ژ عەرەب بەرقێ ل فەخخارێ عەجەم دا
دا شاهدێ ئەسما ب هەمی وەجهی بناسین
یەک مەستی سەمەدکر، ب یەکێ نەقشێ سەنەم دا
یەک گرتییە زولفێ ویەکی خال نومایی
ئایینە ب ئەسکەندەری وجام ب جەم دا
ئەرواحێ موقەددەس شەبێ قەدران تە دخوازن
نوورا تەیە مسباحێ د قەندیلێ حەرەم دا
دا وەقتێ لقایێ ب تە حەی بین د بەقایێ
من نەقدێ دل و جان د فەنایێ ب سەلەم دا
یاقووت فرۆشان د کەف ئەلماسی شکەستن
ئەڤ سەفحەیێ ئەلماسێ کو نەققاشی قەلەم دا
یا ڕەب ژ چ ڕوو لەب ب ثەنایا تە گوشایم
سبحانک لن أحصي في شأنک حمدا
مننەت ژ خودایی کو ب عەبدێ خوە مەلایی
ئکسیرێ غەمێ عشقێ -نە دینار و درەم- دا
#مەلای جزیری# [1]