دل ژ علاجێ کو بدەر کت مزاج
دێ ژ لەبێ نۆشێ عەتا بت علاج
ئایینەیێ جامێ جەهانبینێ جەم
بادەیێ لەعلەینە د جاما زوجاج
ژ ئاڤێ حەیاتێ ب مە دا شەربەتەک
زندە کرین ما ژ عەدوو ڕا نەشاج
بەندە کرم گەر چ شەبەه فیل بووم
سیمبەرا ساعد و بازوو ژ عاج
ئەختەرێ ئقبال و مەهێ بورجێ بەخت
مهر و سپهر و کەمەر و تەخت و تاج
کووسێ کو هنگاڤتی ب شاهی ل تەخت
پادشەهان نەقدێ ڕەوان دا خەراج
خوسرەوێ شیرینێ ل دەربەندێ حوسن
سیمبەران لازمە لێ موهر و باج
سککەیێ شعرێ مە ب ناڤێ تە هات
لەو ب عەیارێ د جەهان دا ڕەواج
ئابێ ڕەوان من دییە شعرا مەلا
«ينکر للماء لسوء المزاج»
#مەلای جزیری# [1]