گەرچەک، کرنک، کۆنگ، کرنوو
گەرچەک یان دار گەرچەک، ڕووەکێکی جوانی سەرنج ڕاکێشی گەڵاپان و گەورەیە، له ناوچەی #سەروچاوە#، #گردجان#، #قەرەنياغا#، #چوارقورنە#، گردەدێمه، دۆڵی شاورێ دەڕوێت، بەڵام ئێستا له ڕوەکێکی کێویەوە بۆتە ڕوەکێک که جوتيار و هاوڵاتیان به دەست دەیچێنن، بەمەبەستی جوانی حەوشە و کێلگەکانیان، قەدێکی فره بەهێزی هەیە، باڵا دەکات تا (2 تا 3سم). هەندێ جار ئەگەر زەویەکەی بە پیت و بەهێزبێت بەرزتر دە بێت و (وەک دار دەردەکەوێت). دوو جۆر ڕەنگی هەیە له ناوچەی #بیتوێن#، سور و سەوز، سورە ئاگرینەکەی پەسەندتره لای هاوڵاتيان (جوانترە). به تۆو زۆر دەبێت، تۆو و گەڵاکانی زۆر مەترسیدار و ژەهراوين، گەڵاکانی پێنچ پەڕی گەورەی هەیه له شێوەی لەپی دەست دەچێت، تۆوەکەی ڕۆنی لێدەردەهێنرێت، 50% ی کێشی تۆوەکە ڕۆنە. ئەم ڕۆنەی لێی دەردەهێنرێت ژەهراوی نيە، مادەی (ریسینی) تێدايە، ئەم مادەیە له ئاو دەتوێتەوە بەڵام له ڕۆندا ناتوێتەوە، ڕۆنەکەی بەمەبەستی شێلان بەکاردەهێنرێت و جەستە ئارام و نەرم دەکات، پاژەنپێ و (کۆڵف) ی پێ دەشێلدرێت تا قاچە ماندوەکان ئارام کات، له قژ و برۆ دەدرێت بە مەبەستی بەهێزکردن و چڕکردنی مووەکان، وڵاتانی هیند و چین و بەڕازیل لە یەکەم بەرهەم هێنەرانی ڕۆن گەرچەکن.[1]
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 431 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!