داستانو حەیدەری و سنۊبەرۍ
بەشۍ نۊزەهەمە
هومەیلا (کەنیزەکەو سنۊبەرۍ)، وەختێ حەیدەر بە هۊش ئاماوە، دەسش کەرد بە یاونای پېخامەکەو سنۊبەرۍ پەیش، ئەپی جۊره:
هومەیلای کەنیز، ئاما بە گوفتار
بەو لەنجەی شیرین، شەهدی شەکەربار
واتش: سنۊبەر بانووی کشمیرەن
بابۊش شەهەنشای، ساحیب سەریرەن
جۊیای گیاهەن، ئەو ماهی تابان
هەر ساڵێ جارێ، مەیۊ وە ئێران
سێ مانگ مەنیشۊ، وە پارچەی ئەڵوەند
پەرێ گیاهان، توحفەی دڵپەسەند
هەرچی گیاهێ لېش مەبۊ بەکار
ساڵێ یەک نەوبەت، مەبەرۊش وە بار
تۊ واچە پەنەم، نام و نیشانت
شار و ئیقلیم و موڵک و مەکانت
پەی چېش کە بانوو بېیەن پەشیمان
مەکەرۊ پەرېت، شینی بېسامان
چەند، تا، جە زوڵفان، سېیای تاتاریت
بانوو لېم واستەن، پەی یادگاریت
پەی خاڵیانە بکیانە پەرېش
پەرۍ هېجرانان جەفای ئېش و نېش
منش کیاستەن، شەمسی خاوەری
واتش: زوو ئەحواڵ پەرېم باوەری
سەرانسەر پېخام، خورشیدی خاوەر
عەرزکەرد بە خزمەت، شېری دلاوەر.
[1]