#کازیوە ئەنامقی# چالاکووان نووسیویەتی:
دەپرسن: کازیوە بۆ ئەوەندە دژی حزبەکانی؟ وەڵامی کازیوە: چونکە پشتیان لە ڕۆژهەڵات کردووە، چونکە دژە ژنن. چونکە ناهێڵن خەڵکی خوێندەوار لە ناویاندا بمێنێتەوە.
سەرکردەکان بوون بە تاجری سیاسی و گرنگی بە ژیانی پێشمەرگەکانیان نادەن، چونکە حزبەکان بەتەمای ئەوەن ئەم خوێنڕێژانە ئیسڵاح ببن و گوێ بۆ داواکانی ئەوان بگرێت.
ئەگەر کەسانی وەک من بەرانبەری ئەم حزبە پاوانخوازانە نەوەستنەوە، لە کۆماری سێدارە خراپتر بەسەر خەڵکی ڕۆژهەڵات دێنن، چونکە ئەوەی لۆمپەن و چەقۆکێش و نەزانە بە گژی خەڵکی ڕەخنەگردا دەدەن.
هیچ جیاوازییەکیان لە کۆماری سێدارە نییە، لە ڕووی ئەکت و لە ڕووی هزریان بەرانبەر بە کورد، چونکە خوێنی گەنجی کوردیان کردووە بە کاڵا بۆ بازرگانییەکانی خۆیان. هەزاران چونکەی دیکە ئەوەندە قیزەونن کە باسیان ناکرێت، تەواوی دونیا دەزانێ کۆماری ئیسلامی ئێران دڕندە و دیکتاتۆڕ و مرۆڤ کوژە، دەبێ حزبەکان لەوان جیاوازبن، بەڵام بەداخەوە ڕێک کۆپی ئەوانن.
لەگەڵ ڕێزی بێ کۆتاییم بۆ ئەو کەسانەی کە بە بیروباوەڕێکی پتەو و بەهێزەوە لەناو حزبەکانن کە بەداخەوە ژمارەیان زۆر کەمە، چونکە ئەگەر قسەی ڕاست بڵێن، دەر دەکرێن، بۆیە ناچارن بۆ ڕاگرتنی ڕەوتی حزبی بێدەنگبن. [1]