Helbestvan Luqman Osman
Navê wî Luqman Osman e. Di gulana sala 1969an de, li gundê Xirbê Kejê yê ku bi ser herêma Cizîrê, li devera #Amûdê# dikeve, jidayik bûye. Xwendina seretayî li dibistana gund û ya navendî li bajarê Hesekê xwendiye. Di sala 1987an de, bawernameya Bekelorya bi dest xist. Di sala 1988an de, derbasî zanîngeha Şamê kolêja Bîrnasî beşê Sîsyolocya bû û ji ber ku ew jî wekî 150,000 kurdên li herêma Cizîrê bê nasname bû, nikarîbû xwendina xwe berdewan bike, tenê du salan xwendiye.
Di riya dengbêj û hunermendên kurd ên mîna: Şivan Perwer, Mihemed Şêxo û Se’îdê Gabarî hezkirina kurdayetî û helbestê kete dilê wî. Pirtir agirê helbestê di dilê wî de gûr bû dema ku wî pirtûk û dîwanên kurdî peyda kirin û xwendin. Hêjayî gotinê ye ku li malê, bi dengê bavê xwe pirtir ji helbestên Cegerxwîn hez kir.
Di sala 1986an de, dest bi nivîsandin û hûnandina helbesta kilasîk kir.
Di sala 2014an de, dest bi nivîsandina helbestên ji bo zarokên kurdan re kir.
Pirtûkek tenê hatiye çapkirin ew jî bi navê: Dîmenên Ji Dil helbest e.
Pirtûkên wî yên neçapkirî ev in :
1- Pakrewan, helbest . 2-Derdê Efrîn, helbest. 3- Sîmen 1, helbestên zarokan. 4- Sîmen 2 , çîrokên bi helbestî yên zarokan. 5- Sîmen 3, şanoyên helbestî. [1]