دوا نیوەڕۆی ئەمڕۆ #03-12-2022# درۆنەکانی تورکیا پێنج جار چیای ئاسۆس و کێلەشینی لە سنووری شارەدێی #ماوەت# بۆردومان کرد. لە ئەنجامدا شەش هاووڵاتی بوونە قوربانی کە یەکێکیان گیانی لە دەستداوە و پێنج هاووڵاتیەکەی تریش بریندارن.
فڕۆکە بێفڕۆکەوانەکانی تورکیا بە بیانووی هەبوونی چەکدارانی پژاک سنووری شارۆچکەی ماوەتیان کردووە. بەڵام ئەوانەی بوونەتە قوربانی، ڕاوچی بوون و هەندێکی تریان بۆ کۆکردنەوەی قارچک و گۆیژ لە سنووری گوندی زەروون بەر بۆردومانەکە کەوتوون.
جگە لە بۆردوومانی گوندی زەروون بۆردومانی گوندەکانی سەفرە لە دامێنی چیای کێلەشین و #گەڵاڵە# لە چیای ئاسۆس کراوە.
ئەو هاووڵاتیەی گیانی لە دەستداوە ناوی عەزیز محەمەد ڕەسوڵە و خەڵکی گوندی #قامیش#ی شارەدێی ماوەتە.
ئەو هاووڵاتیانەش بریندارن بریتین لە:
1-محەمەد قادر ئاغا.
2-کوێخا محەمەد عەلی
3-زانا محەمەد عەلی
4-سەعید محەمەد ڕەسوڵ
5-ساڵح قادر
ئەو هاووڵاتیانە دووجار لە تەنیشت ئەشکەوتێک بۆردومان کراون و لە بۆردومانی یەکەم دوو هاووڵاتی بریندار بوون و هاووڵاتیەکانی تر بەهانایانەوە چوون، بەڵام جارێکی تر بۆردومان کراونەتەوە و ژمارەی قوربانییەکان بەرز بووەتەوە. [1]