#بېسارانی#
بینایی دیدە، بینایی دیدە
ڕۊشنی نۇربەخش، بینایی دیدە
باڵا سپی سەوڵ، شا پەسەندیدە
فریشتەی شەریف، حەق ئافەریدە
دیدە ئاهۇی وەحش بېیابان وەتەن
سونبول چەریدەی ڕەوېڵەی خوتەن
دەلیلەی سەرکەش دەیرییانی دەیر
پەرەندەی بېباڵ، باڵدار وېنەی تەیر
لەب جامی یاقۇت پەڕ جە مرواری
ڕەنگ ڕېزەی شەربەت شیفای بیماری
هەر وەتەن لادێ مەگېڵیش پېدا
بۊی موشکی نافەش پەخش مەبۊ تېدا
چمان جە سارای خوتەن چەردەنی
ئەو زێد ئاوا بۊ تۊش پەروەردەنی
[1]