دەقی ڕاگەیەندراوەکەی حکومەتی هەرێمی کوردستان:
ڕاگەیەندراوێک لە حکومەتی ھەرێمی کوردستانەوە
بە توندی ھێرشی سەر ڕەوەندی کوردی لە پاریس سەرکۆنە و شەرمەزار دەکەین و پرسە و سەرەخۆشی لە بنەماڵە و کەسوکاری قوربانییانی ھێرشەکە دەکەین و ھیوای چاکبوونەوەی خێراش بۆ بریندارەکان دەخوازین. ھەروەھا داواش لە ڕەوەندی کوردی لە ئەوروپا دەکەین ئارام بن و دان بەخۆیاندا بگرن.
ئێمە باوەڕی تەواومان بە دامودەزگاکانی حکومەتی فەرەنسا و سیستەمی دادوەریی ئەو وڵاتە ھەیە کە ڕێکاری پێویست دەگرنەبەر بۆ پاراستنی کوردستانییانی نیشتەجێی فەرەنسا و بەسزا گەیاندنی ھێرشبەر و تاوانباران.
حکومەتی ھەرێمی کوردستان
2022/12/23[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!