سەرۆک کۆمار دکتۆر #لەتیف ڕەشید#، ڕۆژی چوارشەممە 28ی دیسێمبەری 2022، سەردانی دامەزراوەی ماڵی ڕۆشنبیری و مۆزەخانەی کەلەپوری #موسڵ#ی کرد لە شاری موسڵی کۆن.
لە میانی سەردانەکەدا، سەرۆک کۆمار گوێی لە ڕوونکردنەوەیەکی وردی لێپرسراوانی دامەزراوەکە گرت سەبارەت بە دەرئەنجامی کارەکانی کە پەیوەستن بە چالاکییە کەلتووری و کۆمەڵایەتی و مرۆییەکان.
سەرۆک کۆمار جەختی کردەوە لە پێویستی پشتیوانی لە هەوڵی گەنجان و سوود وەرگرتن لە بیرۆکەکانیان لە بوارەکانی هونەر و ڕۆشنبیری و کەلەپوردا.
سەرۆک کۆمار مۆزەخانەی کەلەپوری موسڵ بەسەر کردەوە کە خانووییەکی کەلەپورییە و نۆژەنکراوەتەوە و بووە بە مۆزەخانەی تایبەت بە کەلەپوری شارەکە، هاوکات ستایشی ئەو هەوڵەی کرد کە ئامانجی پاراستنی مێژوو و کەلەپوری شارەکەیە.[1]