ناونیشانی بابەت: لە #زاخۆ# 130 دووکانی کەلەپووری دەکرێنەوە
ئامادەکردنی: لەزگین
بەڕێوەبەری شوێنەوار و کەلەپووری ئیدارەی سەربەخۆی زاخۆ ڕایگەیاند، حکوومەتی هەرێمی کوردستان ملیارێک و 180 ملیۆن دیناری تەرخان کردووە بۆ نۆژەنکردنەوەی هەموو بازاڕە کەونار و کەلەپوورییەکانی زاخۆ و ئێستا پڕۆژەکە لە قۆناغی جێبەجێکردندایە.
محەمەد ئەحمەد مستەفا، بەڕێوەبەری شوێنەوار و کەلەپووری ئیدارەی سەربەخۆی زاخۆ بە (باسنیوز) ی ڕاگەیاند: ''پڕۆژەی بازاڕی کەونار لە زاخۆ یەکێک لە پڕۆژە گرنگەکانە لەسەر بودجەی گەشەپێدانی هەرێمی کوردستان بە گوژمەی ملیارێک و 180 ملیۆن دینار جێبەجێ دەکرێت و ئێستا لە قۆناغی جێبەجێکردندایە، بەشێک لە دووکانەکان بەهەمان کەرەستە و شێوازی کەونار چاک کراونەتەوە، بەشێکی دیکەیان زۆر بێسەروبەر بوون و بەرەو نەمان دەچوون، ئێشتا نۆژەن دەکرێنەوە بۆ ئەوەی بپارێزرێن.''
ڕایشیگەیاند: ''مێژووی سیکا کەڤن لە زاخۆ بۆ بەر لە 140 ساڵ دەگەڕێتەوە و هەموویان کەلەپوورین و بەشێکی زۆریان لە کونەوە خراب کراون و دووبارە چاک دەکرێنەوە و 130 دووکانی کەونار لە زاخۆ دەپارێزرێن و نۆژەن دەکرێنەوە.''
گوتیشی: ''خواردنگەکان لە شوێنی خۆیان دەمێنن و دووکانە کەونارەکان دەخرێنە خزمەت گەشتیارانەوە و #قشڵە#ی زاخۆش نۆژەن دەکرێتەوە و ئێستا ئەویش لە قۆناغی جێبەجێکردندایە.''[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 723 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!