#مەلا مەزهەر خۆراسانی# بە یاوەری ژمارەیەک مامۆستای ئایینی سەردانی سەرۆکی یەکێتی لە مەکتەبی سیاسی #سلێمانی# کرد و ستایشی بڕیارەکانی ماوەکانی ڕابردوویان کرد کە بۆ داخستنی شوێنە نەشیاوەکان دەریکرد.
د. مەزهەر خۆراسانی، مامۆستای ئایینی ڕایگەیاند: ئەمڕۆ بەیاوەری ژمارەیەک مامۆستای ئایینیی لە #هەولێر#ەوە هاتووینەتە سلێمانی و سەردانی #بافڵ تاڵەبانی#، سەرۆکی یەکێتیمان کرد و دەست خۆشیمان لێکرد بۆ داخستنی شوێنە نەشیاوەکانی سلێمانی و کۆتاییهێنان بەو خەمساردییەی ساڵانێکە بەرانبەر بەرپرسانی گەندەڵ هەیە و چاوپۆشییان لێدەکرێت.
ئاماژەی بەوەشکرد: سەرۆک بافڵ گوێ بۆ قسەی حەق دەگرێت و من پێنج ساڵە لە هەولێر ڕێگەی وتاردانم لێگیراوە و وتارەکانم تەنیا لە سۆشیال میدیا بڵاودەکردەوە، خۆشبەختانە سەرۆکی یەکێتی گوێی بۆ گرتین و ئاگاداری وتارەکانمان بوو. [1]