لێکۆڵینەوەیەکی نوێی پزیشکیی کە لەمدواییە ئەنجامدراوە دەڵێت: لەگەڵ بەتەمەنداچوندا مەترسییەکانی بەرزبوونەوەی پەستانی خوێن و نەخۆشیی شەکرە بۆ تووشبوون بە سەکتەی مێشک کەمدەبێتەوە، بەڵام دەشڵێت: ئەمە بە مانای کەمکردنەوەی گرنگیی خواردنی دەرمانەکانی شەکرە و پەستانی خوێن نایەت.
ئەو لێکۆڵینەوەیە کە لەگۆڤاری نیۆرۆلۆجیدا بڵاوکراوەتەوە ئاماژەی بەوەکردووە، توێژەران باسیان لەوە کردووە مەترسییەکانی جگەرەکێشان و ناڕێکی لێدانی دڵ و ئاوسانی گوێچکەلەی چەپی دڵ بەتووشبوون بە سەکتەی مێشک لە قۆناغێکەوە بۆ قۆناغێکی تری تەمەن جیاوازییان نییە.
توێژینەوەکە لەلایەن د.جۆرج هاوارد لە زانکۆی ئەلاباما ئەنجامدراوە و ئەو و تیمەکەی داتای زیاتر لە28 هەزار بەشداربوویان شیکردۆتەوە کە لە ناوچە جوگرافی و نەتەوە جیاوازەکانەوە هاتوون، ئەنجامەکانیش دەڵێت: لەگەڵ بەتەمەنداچوندا مەترسیی نەخۆشیی شەکرە و پەستانی خوێن بە تووشبوون بە سەکتەی مێشکەوە کەمدەبێتەوە.
هاوارد وتویەتی: ئەنجامەکانمان ئەوە نیشان نادەن کە چارەسەری پەستانی خوێن و نەخۆشیی شەکرە لە تەمەنی پیریدا گرنگ نییە، ئەم چارەسەرانە زۆر گرنگن بۆ تەندرووستیی کەسێک، بەڵام ڕەنگە زۆر گرنگ بێت پزیشکان زیاتر تەرکیزیان لەسەر مەترسییەکانی وەک ناڕێکی لێدانی دڵ و ئاوسانی دڵ و جگەرەکێشان بێت. [1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 632 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!