دواخستنی کۆنفرانسی نیشتمانی #بزووتنەوەی گۆڕان#، بۆ شکستهێنان بووە بە هەوڵێکی #پارتی دیموکراتی کوردستان# بۆ ئەوەی زیاتر ئەو بزووتنەوەیە بکەوێتە ژێر کاریگەریی ئەو حیزبە.
پارتی دیموکرات لەگەڵ ئەوە بووە، #مستەفا سەید قادر# جێگری سەرۆکی هەرێم لە پشکی گۆڕان ببێتە ڕێکخەری ئەو بزووتنەوەیە.
لەسەر ئەو خواستە کار کراوە بۆ ئەوەی لەم مانگەدا کۆنفرانسی نیشتمانی گۆڕان بەڕێوەبچێت و لەو ڕێگەیەشەوە پشتگیری مستەفای سەید قادر بکرێت، تا پۆستی ڕێکخەر وەربگرێت.
بەهۆی نزیکی لێیانەوە، پارتی پشتگیری مستەفای سەید قادری کردووە و بەنیاز بووە لەو ڕێگەیەوە دەست بەسەر بزووتنەوەی گۆڕان و بڕیارەکانی ئەو بزووتنەوەیە بگرێت.
دوای ئەوەی #بافڵ تاڵەبانی# سەرۆکی #یەکێتیی نیشتمانیی کوردستان# بەم هەنگاوە دەزانێت، داوای لە کوڕانی نەوشیروان مستەفا و عومەر سەید عەلی و بەشێکی تر لە بەرپرسانی گۆڕان کردووە، کۆنفرانس بۆ کاتێکی تر دوابخەن.
هەر ئەوەش وایکردووە، مستەفای سەید قادر لە بەرپرسانی بزووتنەوەکەی ناڕازی بێت و بایکۆتی کۆبوونەوەکانی بکات. [1]