دەقی پەیامەکەی #بافڵ تاڵەبانی#:
لەیادی 38 ساڵەی شەهیدبوونی پڵنگە چنگ بەگڕەکەی #گەرمیان# و هاوڕێکانی (سەردار و موحسین)، بە ئەوپەڕی ڕێز و خۆشەویستی بێسنوورمانەوە سەری ڕێزمان لەبەردەم جوامێری و قارەمانێتیان دادەنەوێنین.
مێژوو شایەتە چۆن مامە ڕیشە و هاوڕێکانی بەورئاسا بەگژ شەوەزەنگدا دەچوونەوە و بڵێسەی شۆڕشیان تاو دەدا. داستانێکی ئەوەندە گەورەیان تۆمارکرد کە بۆ هەمیشە لە یاد و یادەوەریماندا دەمێنێتەوە و ناویان لەمێژووی خەباتی #یەکێتیی نیشتمانیی کوردستان#دا بۆ پاراستنی کوردستان بە زێڕ دەنووسرێتەوە.
دروود بۆ ڕۆحی مامە ڕیشە و هاوڕێکانی و سەرجەم شەهیدانی ڕێگای ڕزگاریی کوردستان
بافڵ #جەلال تاڵەبانی#
سەرۆکی یەکێتیی نیشتمانیی کوردستان[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!