ناونیشانی بابەت: پرایاپیزم
بەشی دووەم
ئامادەکردن: د. #ڕەنج بیلال کاکەیی#
لەم بەشەدا باسی چارەسەری پڕایاپیزم دەکەین کە ئامانجەکەی بە گشتی کەم کردنەوەی ئازارە، پاراستنی زەکەرە بۆ ئەوەی تووشی کێشەی ڕەپنەبوون نەبێت.
بە پێی جۆری پرایاپیزمەکە چارەسەرەکەی ئەگۆڕێت بە گشتی بەم شێوازانەی خوارەوە چارەسەر ئەکرێت.
جۆری یەکەم کە بەهۆی کەم بوونەوەی ڕۆشتنی خوێنەوەیە بۆ زەکەر ، پێویستی بە چارەسەری کتوپڕە و حاڵەتەکە ئیمرجنسیە لەبەرئەوەی بە فایبەربوون درووست ئەبێت لە شانەی ئیسفنجی زەکەردا و ئەبێتەهۆی کێشەی ڕەپ نەبوون.
جۆری دووەم کە دوبارەبوونەوەی حاڵەتەکە ڕووئەدات: چارەسەرەکەی بەم جۆرەیە ، ئەهەر حاڵەتەکە ڕوویدا ئەوا وەکوو جۆری یەکەم پێویستی بە چارەسەری بەپەلە هەیە ، بەڵام بۆ ئەوەی دووبارە نەبێتەوە پێویستە نەخۆشەکە چارەسەریتر وەربگرێت.
جۆری سێیەم کە بەهۆی زۆر ڕۆشتنی خوێنەوە ڕووئەدت بۆ زەکەر، چارەسەرەکەی حاڵەتی ئیمرجنسی نییە ، نزیکی کە 62٪ نەخۆشەکان نەخۆشەکان خۆیان چاک ئەبنەوە، ئەگەر چاک نەبوونەوە ئەوا پێویستی بە چارەسەرە بە ماددەی وەکوو جەلاتین کە بۆ بکەم کردنەوەی ورووژمی خوێن بەکاردێت بەرەو زەکەر ، یاخود بە ڕیگای نەشتەرگەری چارەسەر ئەکرێت. [1]