#لاهور شێخ جەنگی# هاوسەرۆکی پێشووی #یەکێتیی نیشتمانیی کوردستان#، پەیوەندی بە زیاتر لە سی ئەندامی سەرکردایەتی یەکێتی کردووە و لەبارەی دۆخی ناوخۆیی یەکێتی گفتوگۆی لەگەڵدا کردوون.
ناوەرۆکی پەیوەندییەکانی لاهور شێخ جەنگی، پەیوەندی بە پرسی گەڕانەوەی هەبووە بۆ ناو یەکێتی و لە ناوەرۆکی قسەکانیدا هاوسەرۆکی یەکێتی ئەوەی بە ئەندامانی سەرکردایەتی یەکێتی گووتووە کە لە ڕێگەی دادگاوە مافی خۆی لە ناو یەکێتی وەردەگرێتەوە و ئەو دۆخەی ئێستا هەیە، بەردەوام نابێت.
#بافڵ تاڵەبانی# ناوەرۆکی پەیوەندییە تەلەفۆنییەکانی لاهور شێخ جەنگی و ئەو بەرپرسانەی یەکێتی وەرگرتووە و نیگەرانە لەو شێوازە قسەکردنەی ئەندامانی سەرکردایەتی یەکێتی لەگەڵ هاوسەرۆکی پێشووی یەکێتی.
بافڵ تاڵەبانی هۆشداری داوەتە بەرپرسانی حیزبەکەی لە دووبارە بوونەوەی ئەو جۆرە پەیوەندییانە لەگەڵ لاهور شێخ جەنگی. [1]