لێکۆڵینەوەیەکی نوێی پزیشکیی هۆشداری دەدات لەوەی، لەکاتی خەوتنی شەواندا، گڵۆپ و شاشەی ئامێرە ئەلیکترۆنییەکان بەپێکراوی بمێننەوە، بەتایبەت بۆ کەسانی بەساڵاچوو، بەوپێیەی دەرکەوتووە کە بەرکەوتن بە ڕووناکی لەکاتی خەوتندا پەیوەندیی هەیە بەتووشبوون بە گرفتە تەندرووستییەکانی وەک قەڵەویی و نەخۆشیی شەکرە و پەستانی خوێنەوە.
لێکۆڵینەوەکە لە گۆڤاری سلیپدا بڵاوکراوەتەوە، توێژەران جەختیانکردۆتەوە، پێویستە لانی کەم شەوانە جەستە بواری ئەوەی پێبدرێت بۆ ماوەی پێنج کاتژمێر لە تاریکییدا بێت.
باسی لەوەشکردووە، لەکاتی ناچارییبوونی ڕووناکیدا ئەوە پێویستە ڕووناکییەکە لە کاتی خەوی شەوانەدا لە ڕەنگی سوورێکی پڕتەقاڵییەوە نزیک بێت، لەبەرئەوەی کەمتر هانی مێشک دەدات، دەشبێت ڕووناکییەکە لە زەوییەوە نزیک بێت نەوەک لە بەرزییدا بێت، هەروەک دەبێت لە کاتی خەودا بەتەواوەتیی لە ڕووناکی سپی و شین دووربکەوینەوە.
تیمی توێژینەوەکە ڕایانگەیاندووە، نیازیان هەیە لە هەنگاوی داهاتوودا لێکۆڵینەوە لەسەر کاریگەریی ئاستی تاریکیی و ڕووناکیی لە کاتی خەودا لەسەر توانا زانینەکییەکانی مرۆڤ بکەن. [1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 440 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!