$Agahiyên şehîd:$
Nasnav: Avaşîn Faraşîn
Nav paşnav: Leyla Urun
Cihê jidayikbûnê: Şirnex
Dayik-Bav: Muzeyyen-Omer
Dem û cihê şehadetê: Xakurkê 13-01-2016
$Kurtejiyana şehîd:$
Hevrêya me Avaşîn li navçeya Silopiya ya Şirnexê li nava malbateke welatparêz ji dayik bû. Hîn di temenê zarokatiyê de polîtîkayên înkar, asîmîlasyon û tunekirinê yên dewleta Tirk ên li dijî gelê Kurd dît. Hevrêya me Avaşîn ku bi taybetî bi polîtîkayên qirêj ên dewleta Tirk ên li dijî jin û ciwanan hesiya, serî li ber van polîtîkayan netewand, timî têkoşiya û kete nava lêgerînê. Hevrêya me Avaşîn, pîvana partiya me ya ku bi mezinkirina têkoşînê bersivê dide şehadetê, pejirand û piştî şehadeta xaltîka xwe berê xwe da çiyayên azad ên Kurdistanê. Hevrêya me Avaşîn sala 2011'an tevlî nava refên gerîla bû û ji roja destpêkê ve sekneke bi biryar nîşan da, li ser bingeha Îdeolojiya Rizgariya Jinê ya Rêber Apo her roj hewl da xwe bi pêş bixîne û şareza bibe. Her ku bi pêş ket hîn bêhtir bi potansiyela xwe hesiya û hewl da perwerdeyên îdeolojîk ên wergirtî bixe meriyetê û xwe bike fermandar. Weke gerîlayeke jin, bi sekna xwe ya bi pîvan û durust a li nava jiyanê tevkarî li pêşketina hevrêyên xwe kir û di dilê her hevrêyên xwe de cih girt.[1]
ئی بابەتۍ بە زۋانی (Kurmancî) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ 434 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!