تڕی گوێزی کوێر ئەشکێنێ.
گوێزی کوێر: گوێز بەری داری گوێزە، لە کوێستانی وڵاتی کوردەواردا جووتیارەکان دەیڕوێنن، کورد لە مێژوویەکی کۆنەوە ئەم جۆرە دارە دەناسێت، هەندێک گوێز هەیە، کاکڵەکەی بە ئاسانی دەرنایەت، پێی دەوترێت: گوێزی کوێر، ئەم جۆرە گوێزە یان دەکرێتە ناو ئاو و نەرم دەبێتەوە پاشان کاکڵەکەی بە ئاسانی دەردێت یان بە ئاگر گەرم دەکرێت و ناو گوێزەکە چەوراو دەداتەوە پاشان بە ئاسانی کاکڵەکە دەردێت، ئەم ڕێگەیەیان بۆ قوڕگ ئێشەش کەڵکی لێدەبینرێت، پەندەکە مەبەست لە کەسی لووتبەرز و خۆ بەشت زانە.[1]