باخچێوە بېگەرد
نویستەی: میرزا ئۆلقاڎرو پاوەی
بەشۍ یەرەسەڎ و ویسەمە
جەودما حەزرەت، کۊچکەردەکېش کەردۍ بە واڵەو براو پەشتیوانەکا خەڵکو مەدینەی، هەر دوۍ کەسۍ شەریکۍ یۊترینی، جە ماڵو دنیێ، پېوەرە تا جەنگو بەدری پاسە ژیوێ، تەنیا عەلی کوڕو ئەبوتالیبی کە براش پەی نەمەند، بەڵام پېخامئاوەری دڵ داوە، فەرماواش: من براو تۊنا تا قیامەت.
جەو دما حەزرەت شەفیعی موختار
بین بە موهاجیر تایەفەی ئەنسار
عقد و مەوافات بین هەردوو وە بەست
بە دڵ بە زوبان بە دیدە بە دەس
چل و حۆت نەفەر جە موهاجیران
سەحابەی گوزین جە نام ئاوەران
هەر دوو کەس شەریک سابیر و شاکیر
یەکێ ئەنسارو یەکێ موهاجیر
جە ماڵی دنیا جە میراس جە دین
شەریکبان تا سەر وە شەرت و یەقین
بغەیر جە عەلی ئەمیری سەفدەر
براش پەی نەمەند دەیارلبەشەر
حەزرەت بەو گوفتار دڵپەسەندەوە
چەم بە مەرحەمەت لەب وە خەندەوە
فەرما یا عەلی دڵ ئەو دڵ مەڎە
انا اخوک تا یوم المحشر
غەرەز ئەی قانوون قاعیدەی پەڕ قەدر
هەر مەند تاکە وەقت غەزای بەدر.[1]