دماو خەڵکی گنە، بەڵام نەکەری لاسایېشا کەریۆ.
کابرێوە، خاکەبان پەی سەربانەکەو مەڵڵای مەشهوورەی کەرۍ، وەختێ هەرمانەکېش تەمامیا، گەرەکشبۍ وەزۊرە، بەڵام نە پەینجە، نە هیچ ڕێوە نەبۍ، پەرساش مەڵڵای کە چەنی متاوۊ وەزۊرە؟.
مەڵڵایچ ماچۊ: ئیسە وەرېسێوەت پەی فڕە مڎەو، بەسەش میاتەنگاتەرە، کېشووتەرەوار، وەختێ کابرا وەرېسەکېش پېچنا وېشۆ، مەڵڵای کېشت و کۆتەرەوارو مەرد.
خەڵکی لۊمەو مەڵڵایشا کەردو پەرساشا: ئانە چ هەرمانێبۍ کەردەت، زەلام چەنی پاسنە گېریۊرە؟.
مەڵڵایچ ماچۊ: جارا تاتەم پی تەعرە خەڵکی دلۍ چاڵېنە بەرئارېوە، گەر کەسێ کەوتێ دلۍ چاڵێ، تاتەم وەرېسێش پەی شۊڕەکەرېرەو هۊرشکېشېوە.
لاسایی کەردەیۆ خەڵکی به بۍ بېڎاری ئاوەزی، کارەسات خولقنۊ.[1]