#بېسارانی#
چراغم حاڵت.، چراغم حاڵت
بە بەد مەواچان، بەد وازان حاڵت
مەواچان زوڵفان، موشکین زۊخاڵت
بېناز، پەشېوەن، وە بۇمی لاڵت
زوان بەستەبان یە چۇن دڵداران
پاسەو تۊ بازاڕ ستەم مەداران
پەی چېش؟ بینایی هەر دۇ دیدەنی
بۍ تای، بۍ هامتای، بەرگوزیدەنی
باڵا سپی سەوڵ، خاتر دارەنی
نەمامی نەوخېز گەوهەربارەنی
خاس ئېدەن نە دەور جەفای ڕۊزگار
نەوینۊت ئازار، نەشېونۊت بازاڕ
خوڎای پەی شیفات، جە سەیر نە سەیر بۊ
ئازارت ئازار، عاقیبەت خەیر بۊ
[1]