ڕاگەیاندنی (ناڤەندا ڕاگەهاندنێ یا هێزێن سووریەیا دەمۆکراتیک) دەربارەی ئەو هەلیکۆپتەرەی پێرێ لە سنووری پارێزگای دهۆک کەوتە خوارەوە
9 شەڕڤانێن مە دەما دچوون هەرێما باشوورێ کوردستانێ شەهید بوون
ژ مەدیا و ڕایا گشتی رە د چارچۆڤەیا تەکۆشینا ل دژی شانەیێن داعشێ، یەکینەیەک ژ یەکینەیێن ئانتی تەرۆر(یات) ئێن گرێدایی هێزێن مە بەرێ خوە دا باشوورێ کوردستانێ ب ئارمانجا ب هەڤگوهارتنا تەجروبەیێن ئەولەکاری و لەشکری ژ بۆ بلندکرنا ئاستا شەڕ و ئەولەهیێ یا یەکینەیان ب ئارمانجا بەردەوامکرنا ئەرکێن خوە د شەڕی ل دژی تەرۆرێ و پاراستنا خەلکێ هەرێمێن باکوور و ڕۆژهەلاتێ سوریێ.
د دەما شاندنا یەکینەیێ ژ بۆ باژارێ سلێمانیێ د ئێڤارا 15ێ ئادارا 2023 (15-03-2023)دە، دوو بالافڕێن کو شەڕڤانێن مە ڤەدگوهەستن وێ هەرێمێ ژ بەر ڕەوشا نە باش یا هەوایێ هاتن خوارێ و 9 شەڕڤانێن مە ب فەرماندارییا فەرماندارێ یەکینەیێن ئانتی تەرۆر شەڕڤان کۆبانێ شەهید بوون.
هێزێن ئانتی تەرۆرێ د شەڕێ دژی تەرۆرێ دە شەڕڤان و فەرماندارێ خوە ئێ هەری باش فەدا کرن و ژ کۆبانێ هەتا ڕەقا و دێرەزۆرێ شەڕێن دژوار کرن. ئەڤ هێز ب شێوازێن شەڕ ئێن پێشکەتی هاتنە پەروەردەکرن و هەڤکارێ سەرەکە یێ هەڤپەیمانییا ناڤدەولەتی نە د شەڕێ دژی داعشێ دە و ب ئاوایەکی ئەکتیف تەکۆشین دکەن ژ بۆ پێشخستنا شییانێن خوە ئێن شەڕ و تەکنیکی و بهێزکرنا مەکانیزمایێن چالاکییا هەڤبەش ل هەرێمێ لگەل هێزێن جودا یێن کو شەر داعش دکن.
ئەم سەرساخیێ مەلباتێن شەهیدان و گەلێ خوە رە دخوازن؛ ئەم تەقەز دکن کو فەداکارییا وان شەهیدان وێ ببە ڕۆناهییا بەردەوامییا بەرخۆدانێ و پاراستنا گەلێ مە و ئاخا وی ئا پیرۆز.
د هەمان دەمێ دە ئەم بانگ ل ڕایەدارێن پەیوەندیدار ئێن هەرێما باشوورێ کوردستانێ دکن کو ژ بۆ وەرگرتنا جەنازەیێن شەهیدان و گهاندنا وان ژ بۆ هەرێمێن باکوور و ڕۆژهەلاتێ سووریێ و ل گۆری ڕێگەز و کەنڤەشۆپییان تەڤبگەرن.
ناڤەندا ڕاگەهاندنێ یا هێزێن سووریەیا دەمۆکراتیک
17 ئادار 2023
[1]