ناڤنیشانا بابەتێ: زانکۆیەکا ئیتالیا دێ شینوارێن سنورێ دهۆکێ رزگار کەت و پارێزیت
ئامادەکرنا: #ڕۆژهات لوقمان#
ژ پێخەمەت پاراستنا شینوارێن هەرێما #کوردستان#ێ ب گشتى، پارێزگەها دهۆکێ ب تایبەتى، زانکویەکا وەلاتێ ئیتالیا دێ ژمارەکا شینواران ل سنورێ پارێزگەها #دهۆک#ێ رزگارکەت و پارێزیت.
د.بێکەس بریفکانى، رێڤەبەرێ شینوار و کەلەپۆرى ل پارێزگەها دهۆکێ بۆ(باسکورد) دیارکر: زانکۆیا پالێرمۆ یا وەلاتێ ئیتالبا گرێبەستەک دگەل رێڤەبەریا شینوار و کەلەپۆرى ل پارێزگەها دهۆکێ ئیمزاکریە بۆ وێ چەندێ ل سنورێ پارێزگەها دهۆکێ چەن کاران بکەتن بۆ خزمەتکرنا شینواران و گۆتژى: زانکۆیا ناڤبرى دێ ل ناڤ بەنداڤا مووسل دا چەند شینواران رزگار کەت و پاشان دێ پارێزیت کۆ ل ناڤ بەنداڤا مووسل دا ژمارەکا شینوارێن گرنگ هەنە و مێژوویا وان کەڤنارە، لەورا ژلایێ زانکۆیا ناڤبرى ڤە دێ ئه و شینوارە هێنە رزگارکرن.
رێڤەبەرێ شینوار و کەلەپۆرى ل پارێزگەها دهۆکێ دیار ژى کر: ژ بەر کۆ ئەڤ دەڤەرە کەڤنارە و خۆدان شارستانیەت و مێژوویەکا دێرینە، لەورا بۆ زانکۆیێن وەلاتێن بیانى گرنگە قەستا ڤێ دەڤەرێ بکەن و کارێ ڤەدیتن و سەخبێکرن و رزگارگرنا شینواران بکەن، ئەڤ چەندە ژى بۆ دەڤەرا مە شانازیە و ئارمانجا مە ژى خزمەتکرنا کەرتێ شینوارانە ل هەرێما کوردستانێ.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کرمانجی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ 689 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!