بڕیارەکەی #بافڵ تاڵەبانی# سەرۆکی #یەکێتیی نیشتمانیی کوردستان# بۆ لێسەندنەوەی ئۆتۆمبیلەکانی لە کەسە نزیکەکانی #لاهور شێخ جەنگی# بەردەوام دەبێت و بەم نزیکانەش دەست بەسەر کۆمەڵێک باخ و ڤێلا دەگرێت.
لە کۆتا کۆبوونەوەی سەرکردایەتی یەکێتی نیشتمانی بڕیار لەبارەی گەڕاندنەوەی موڵک و ماڵەکانی ئیدارەی گشتی لەو کەسانە دراوە، کە لە یەکێتی دەرکراون، یان لەناو حیزبەکە نەماون.
لە کۆبوونەوەکە ئەو پێشنیازە لەلایەن #قوباد تاڵەبانی# ئەندامی مەکتەبی سیاسی یەکێتی پێشنیاز کراوە و دەنگی لەسەر دراوە، زۆرینەی زۆری ئەندامانی سەرکردایەتیش دەنگیان بە پێشنیازەکە داوە.
هەر لە چوارچێوەی دەستگرتن بەسەر ئۆتۆمبیلەکانی کەسە نزیکەکانی لاهور شێخ جەنگی، بەم نزیکانە دەست بەسەر کۆمەڵێک باخ و ڤێلا دەگرێت، کە هەر لای ئەو کەسانەیە و موڵکی ئیدارەی گشتی یەکێتی نیشتمانین، یاخود بە پارەی یەکێتی درووستکراون. [1]