#لالش# گرنگترین و پیروزترین جهە لدەف باوڕدار و پەیڕەوێن ڤی ئایینەیە، ئەڤ جهێ پیروز کو هەیامەکێ دیر و درێژە ژمارەکا بەرچاڤ یا پەیڕەوێن ئایینێ ئێزدی ب مەرەما حەج کرنێ و بجێ گەهاندنا ڕێوەڕەسمێن ئایینی سەردانا ڤی پەرستگەهەی دکەن.
پەرستگەها لالش کو ئێک ژ کاڤنارترین پەرستگەهێن کوو ل کوردستان و ئیراقێ هەنە کوو دکەڤیتە نزیک باژێڕێ #دهوک#ێ و ب دووریا 60 کم ل ڤی باژێڕەی و 14 کیلۆمەترییا باژێڕوکێ #ئێسفنێ#، بەرکەفتە و دەرکەفتەیا لالشی دکەڤئتە دناڤا دوڵەکێ دە کو ب زنجیرە چیایەکێن بچیک هاتیە دوور پێچ کرن، ل پشکا ڕۆژئاڤا و ب چیایێ حەزرەت و ل پشکا باشوورڤە ب چیایێ مەشەت و ل باکوورێ ژی ڤە ب چیایێ عەرەفات یا هاتییە گرێدان و دورپێچ کرن و ب تەنێ ل ئالێ ڕوژهەڵات ڤە ڕییا هاتن و چوونێ هەیە ژبو سەردانکەرێن ڤی پەرستگەهێ پیروز و دیروکی و پەیڕەو و حەژی کەرێن ئایینێ ئێزدی .
ئەڤ پەرستگەهە، کو ژ ئالێ پەیڕەوێن ئایینێ ئێزدی ب (لالشا نوورانی) تێ ناس کرن، ب ئەگەرا دیروکا خوە یا کەڤن و بوونا مەزارگەهێ کەسایەتیێ بناڤ و بانگ و کاریگەرێ ڤی ئایینەی (#شێخ ئادی#) و کوڕێ وی، وەکە پیروزترین جﮪ و مەزارگەهێ ئایینێ ئێزدی تێ ناس کرن، پەیڕەوێن ڤی ئایینەی لسەر ڤێ باوەڕێنە کوو هەر کەسەکێ ئێزدی د ژیانا خۆە دە پێدڤییە ژبو هەتا ئێک جاریش بت سەردانا لالش و مەزارگەهێ شێخ ئادی و کوڕێ وی بکەتن،ئەڤە ژی هەر وەکوو بجﮪ ئانینا فەریزەیا حەجێ یە لدەف باوەڕدار و پەیڕەوێن ئایینێ ئیسلامێ کو دبێژیت پێدڤییە موسوڵمان د ژایانا خوەدا ژبو جارەک سەردانا مەکە و مەدینەیێ بکەن.
ب باوەڕا ئێزدییان، جیهان و دروست بوونا وێ ل لالشێ ڤە دەست پێ کرییە و چیایێ لالشێ ئێکەم مەنزڵگەهێ خودێ بوویە.[1]