موسڵ لە سەدەی شازدەدا.
#عەباس نادر قادر#
لە ساڵی 1516 -1918 سەڵتەنەتی عوسمانی کوردستانی باشووری داگیرکردووە، باشووری کوردستان هەمووی سەر بەیەک ویلایەت نەبووە ، ماوەیەک زۆرێک باشوور سەر بە سنجاقی موسڵ بوو، موسڵیش سەر بە ویلایەتی ئامەد بووە، لە ساڵی 1552 نیوەی سنجاقی موسڵ لە ئامەد دابڕێندرا و خرایە سەر بەغدا ، لە ساڵی 1575 تا 1581 موسڵ کرا بە ویلایەتەکی سەربەخۆ .
لە ساڵی 1582 جارێکی تر موسڵ خراوە سەر ویلایەتی بەغدا.
لە لیستی فەرەیدون بەگ نووسراوە لە ساڵی 1582 موسڵ سێ سنجاق بووە ئەویش سنجاقی ئاسکی موسڵ و کوشاف و هۆرن.
ئەولیا چەلەبیش بە 6 سنجاقی نووسیوە، تکریت و زاخۆ و عانە و کوشاف و قەرداسنی و بوداسنی .
ئەوەی بۆ من جێی سەر سوڕمانە کوشاف گوندێکە ئێستا سەربە شارەدێی گوێڕی شارۆچکەی مەخموورە لەسەر زێی گەورەیە ئەو کات سنجاق بووە ، ئێستاش گردی شوێنەواری زۆرە.
بەگوێرەی دەفتەری تاپۆی عوسمانییەکان موسڵ لە ساڵی 1575 هەمان ئیدارەی کۆن بووە، بەڵام سێ شارەدێی هەبووە ، ئەویش شارەدێی شێخان (عین سفنی) و دیر مەقلوب و مەخمور ، کەواتە لەساڵانی 1575 مەخمور شارەدێ بووە. ئەو کاتە مەخمور لە پێنج گوندی گەورە و نۆ گوندی ئاسایی پێکهاتووە ، پێنج گوندەکەش بەو ناوانە لەدەفتەر تاپۆی 1539 نووسراون ، ئیمام حەونەدین ، مریەم بەگ ، بوزیج و شەماڵ و مەراول.
سەرچاوە:
ولاية الموصل العثمانية في القرن السادس عشر، د علی شاکر علی.
[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 636 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!