=KTML_Bold=ڕەنگدانەوەی ململانێی نێوان یەکێتی و پارتی، لە کێشە کۆمەڵایەتییەکاندا=KTML_End=
دوا نیوەڕۆی ئەمڕۆ #25-04-2023# لە ئەنجامی تەقەکردن کوڕێکی #عەبدوڵڵا کوێخا موبارەک# بەناوی سەرهەد کە تەمەن 21 ساڵە، بریندار دەبێت و دەگەیەنرێتە نەخۆشخانەی فریاکەوتنی #چەمچەماڵ#. لە ئەنجامی سەختی برینەکەی لە نەخۆشخانە گیان لە دەست دەدات و تەرمەکەی ڕەوانەی پزیشکی دادی چەمچەماڵ دەکرێت.
دوای کوژرانی کوڕەکەیان ژمارەیەک چەکداری کەسوکاری عەبدوڵڵای کوێخا موبارەک، هەڵدەکوتنە سەر ماڵی هاووڵاتی ”عوسمان لەتیف قەساب” کە تۆمەتبارن بە کوشتنی کوڕەکەی عەبدوڵڵای کوێخا موبارەک لە گەڕەکی مامۆستایانی شاری چەمچەماڵ و خانوەکەیان دەسوتێنن.
هۆکاری کوشتنی کوڕەکەی عەبدوڵڵای کوێخا موبارەک دەگەڕێتەوە بۆ کێشەیەک، کە لە شەوی #20-03-2022# لەناو بازاڕی شارۆچکەی چەمچەماڵ کارمەندێکی ئاساییش بەناوی محەمەد عوسمان لەتیف قەساب لە ئەنجامی تەقەکردن کوژرا. کەسوکارەکەی کوڕێکی تری عەبدوڵڵای کوێخا موبارەکییان بەکوشتنی کوڕەکەیان تۆمەتبار کرد.
دواتر لەلایەن دادگای چەمچەماڵەوە فەرمانی دەستگیرکردن بۆ عەبدوڵڵای کوێخا موبارک و شەش کەسی نزیکی دەرچوو، بەڵام پۆلیسی چەمچەماڵ نەیتوانی فەرمانەکە جێبەجێ بکات.
کەسوکاری کوژراوەکە، چەکدارکردنی عەبدوڵڵای کوێخا موبارەک لەلایەن پارتییەوە بەهۆکاری دەستگیرنەکردنی تۆمەتبارانی کوشتنی کوڕەکەیان دەزانن. دواتر میدیای یەکێتی چەند جارێک کەیسەکەی وروژاندوو پارتی تۆمەتبار دەکرد بە داڵدەدانی بکوژ. کێشەکە لە کێشەیەکی کۆمەڵایەتییەوە ڕەهەندێکی حیزبی وەرگرت.
دوای ڕووداوی کوشتنی کوڕی عەبدوڵڵای کوێخا موبارەک هێزێکی زۆری سەربازی بە ئۆتۆمبیلی سەربازی لەناو چەمچەماڵ بڵاوەی پێکراوە و لەلایەن هێزەکانی ئاساییشەوە چەند ڕێگایەکی شارەکە داخران. [1]